സപ്ലൈകോയുടെ ശബരി ബ്രാൻഡിൽ അഞ്ചു പുതിയ ഉത്പന്നങ്ങൾ വിപണിയിലേക്ക്. ചൊവ്വാഴ്ച രാവിലെ 11ന് ബോൾഗാട്ടി പാലസിൽ നടക്കുന്ന ചടങ്ങിൽ ഭക്ഷ്യ പൊതുവിതരണ വകുപ്പ് മന്ത്രി ജി ആർ അനിൽ പുതിയ ഉത്പന്നങ്ങൾ പുറത്തിറക്കും. അരിപ്പൊടി (പുട്ടുപൊടി,അപ്പം പൊടി),പായസം മിക്സ് (സേമിയ/പാലട 200 ഗ്രാം പാക്കറ്റുകൾ),പഞ്ചസാര,ഉപ്പ് (കല്ലുപ്പ്, പൊടിയുപ്പ് ),പാലക്കാടൻ മട്ട (വടിയരി,ഉണ്ടയരി) എന്നിവയാണ് ശബരി ബ്രാൻഡിൽ പുറത്തിറക്കുന്ന പുതിയ ഉത്പന്നങ്ങൾ. പൊതുവിപണിയേക്കാൾ വിലക്കുറവിൽ ഗുണ മേന്മ ഉറപ്പാക്കിയാകും സപ്ലൈകോ പുതിയ ഉത്പന്നങ്ങൾ
ഉപഭോക്താക്കളിലേക്ക് എത്തിക്കുന്നത്. വ്യവസായ മന്ത്രി പി രാജീവ് അധ്യക്ഷനാകുന്ന ചടങ്ങിൽ നടി റിമ കല്ലിങ്കൽ ആദ്യ വില്പന ഏറ്റുവാങ്ങും. സപ്ലൈകോ ചെയർമാനും ഭക്ഷ്യ പൊതുവിതരണ വകുപ്പ് സെക്രട്ടറിയുമായ എം ജി രാജമാണിക്യം,സപ്ലൈകോ മാനേജിങ് ഡയറക്ടർ ഡോ.അശ്വതി ശ്രീനിവാസ്, ജനറൽ മാനേജർ വി എം ജയകൃഷ്ണൻ തുടങ്ങിയവർ സംസാരിക്കും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.