ഓൺലൈൻ ഗെയിമിനെ പ്രോത്സാഹിപ്പിക്കുന്ന തരത്തിലുള്ള ക്രിക്കറ്റ് താരം സച്ചിൻ തെൻഡുൽക്കറിന്റെ ഡീപ് ഫേക്ക് വീഡിയോ പുറത്തിറങ്ങിയതിന് പിന്നാലെ കേസെടുത്ത് പൊലീസ്. ഗെയിമിങ് കമ്പനിക്കെതിരെയാണ് പൊലീസ് കേസ് രജിസ്റ്റർ ചെയ്തു. ഓൺലൈൻ ഗെയിം കളിച്ചതു വഴി തന്റെ മകൾക്ക് പണം ലഭിച്ചെന്ന് സച്ചിൻ പറയുന്ന വീഡിയോ ആയിരുന്നു പുറത്തിറങ്ങിയത്. തുടര്‍ന്നാണ് പ്രസ്തുത ഗെയിമിങ് വെബ്സൈറ്റിനും ഫേസ്ബുക്ക് പേജിനുമെതിരെയാണ് കേസെടുത്തിരിക്കുന്നത്. അതേസമയം ഇതിന്റെ പിന്നിലുള്ളവർ ആരെന്ന് വ്യക്തമായിട്ടില്ല.
സച്ചിന്റെ പഴയ ഇന്റർവ്യൂവിൽ നിന്നുള്ള ഭാഗങ്ങൾ ഉപയോഗിച്ച് ഡീപ് ഫേക്ക് വഴി ഗെയിമിന്റെ പരസ്യത്തിനായി ഉപയോഗിച്ചതായാണ് വിവരം. ഐപിസി സെക്ഷൻ 500( അപകീർത്തി), ഐടി ആക്ട് സെക്ഷൻ 66 (A) എന്നീ വകുപ്പുകൾ പ്രകാരമാണ് കേസ് രജിസ്റ്റർ ചെയ്തിരിക്കുന്നത്. തന്റെ വ്യാജ വീഡിയോ പ്രചരിക്കുന്നതായി സച്ചിൻ തന്നെയാണ് എക്സിലൂടെ അറിയിച്ചത്. ഇത്തരത്തിൽ വീഡിയോ പ്രചരിക്കുന്നത് ആശങ്കയുണ്ടാക്കുന്നുവെന്നും സോഷ്യൽ മീഡിയ പ്ലാറ്റ്ഫോമുകൾ ഇതിൽ ജാഗ്രത പുലർത്തണമെന്നും സച്ചിൻ കുറിച്ചു.
English Summary;Sachin’s deep fake video: Police registered a case against the gaming app company
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.