ഫുട്ബോൾ ഇതിഹാസം ലയണൽ മെസി പങ്കെടുത്ത സാൾട്ട് ലേക്ക് സ്റ്റേഡിയത്തിൽ നടന്ന പരിപാടിയിലുണ്ടായ സംഘർഷത്തില് അന്വേഷണം കേന്ദ്ര ഏജൻസികൾക്ക് കൈമാറണമെന്ന് ആവശ്യപ്പെട്ട് കൊൽക്കത്ത ഹൈക്കോടതിയില് പൊതുതാല്പര്യ ഹര്ജി. അന്വേഷണം സിബിഐ, ഇഡി, എസ്എഫ്ഐഒ തുടങ്ങിയ കേന്ദ്ര ഏജൻസികൾക്ക് കൈമാറാൻ കോടതിയുടെ ഇടപെടൽ ആവശ്യപ്പെട്ട് സംസ്ഥാന പ്രതിപക്ഷ നേതാവ് സുവേന്ദു അധികാരിയും അഭിഭാഷകരായ സബ്യസാചി ചട്ടോപാധ്യായയും മൈനാക് ഘോഷാലും ആണ് ഹര്ജികള് സമര്പ്പിച്ചത്.
കൊല്ക്കത്തയില് സംഘടിപ്പിച്ച പരിപാടിയില് മെസി പങ്കെടുത്തയുടനെ തന്നെ വേദി വിട്ടതാണ് പ്രതിഷേധത്തിനിടയാക്കിയത്. മെസിയെ ഒരുനോക്ക് കാണാനായില്ലെന്ന് ആരോപിച്ച് കാണികള് സ്റ്റേഡിയത്തിലെ സീറ്റുകള് തല്ലിത്തകര്ക്കുകയും മൈതാനത്ത് കുപ്പികള് എറിയുകയും ചെയ്തു. വിഷയത്തില് വിരമിച്ച ജസ്റ്റിസ് ആഷിം കുമാർ റേയുടെ നേതൃത്വത്തിലുള്ള ഉന്നതതല സമിതി അന്വേഷണം നടത്തുന്നുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.