സംഭൽ വെടിവെപ്പിനെ തുടർന്ന് ഏർപ്പെടുത്തിയ നിരോധനാജ്ഞ വീണ്ടും നീട്ടി. ഡിസംബർ 10 വരെയാണ് നിരോധനാജ്ഞ നീട്ടിയത്. ജനപ്രതിനിധികൾക്കടക്കം സന്ദർശന വിലക്ക് തുടരുകയാണ്. അനുവാദം കൂടാതെ അഞ്ചിൽ കൂടുതൽ പേർ കൂടിനിൽക്കുന്നതിനും നിരോധനം ഏർപ്പെടുത്തിയിട്ടുണ്ട്.
നടപടികൾ തുടരുന്നതിന് വിലക്കേർപ്പെടുത്തിയ സുപ്രീം കോടതിയുടെ ഉത്തരവിന് പിന്നാലെയാണ് സംഭലിൽ ഉത്തർപ്രദേശ് പോലീസ് നിരോധനാജ്ഞ നീട്ടിയത്. നിരോധനാജ്ഞ ഇന്ന് അവസാനിക്കാനിരിക്കെയാണ് ആദിത്യനാഥ് സർക്കാരിന്റെ നടപടി. ജനപ്രതിനിധികൾക്കടക്കം വിലക്കേർപ്പെടുത്തിയാണ് നിരോധനാജ്ഞ നീട്ടിയിരിക്കുന്നത്. ജനങ്ങൾ സംഘം കൂടി നിൽക്കുന്നതിനും നിരോധനം ഏർപ്പെടുത്തിയിട്ടുണ്ട്.
സംഭാൽ സന്ദർശനത്തിനെത്തിയ സമാജ് വാദിപാർട്ടി സംഘത്തെ യുപി പൊലീസ് തടഞ്ഞു. 15 അംഗ സംഘത്തെയാണ് തടഞ്ഞത്. നിരോധനാജ്ഞ നിലനിൽക്കുന്നതിനാൽ പ്രദേശത്ത് പ്രവേശിക്കാനാകില്ലെന്ന് പൊലീസ് പറഞ്ഞു. നിരോധനം ഏർപ്പെടുത്തിയത് സർക്കാരിന്റെ ഭരണ പരാജയം തെളിയിക്കുന്നതെന്ന് അഖിലേഷ് യാദവ് വ്യക്തമാക്കി.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.