ചാതുർവർണ്യ വ്യവസ്ഥ നിലനിർത്തുന്നതിന് വേണ്ടി ഉണ്ടാക്കിയ സിദ്ധാന്തമാണ് സനാതന ധർമ്മമെന്നു പറയുന്നതെന്നും അത് അസമത്വത്തിന്റെ സിദ്ധാന്തമാണെന്നും സിപിഐ സംസ്ഥാന കൗൺസിൽ അംഗം കെ ജി ശിവാനന്ദൻ അഭിപ്രായപ്പെട്ടു. സിപിഐ കയ്പമംഗലം മണ്ഡലം കമ്മിറ്റിയുടെ നേതൃത്വത്തിൽ ചരിത്രകാരനും മുൻ ഡെപ്യൂട്ടി സ്പീക്കറുമായിരുന്ന സിപിഐ നേതാവ് പി കെ ഗോപാലകൃഷ്ണന്റെ 14-ാം ചരമവാർഷികദിനാചരണം ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം.ഇന്ത്യയുടെ സാംസ്ക്കാരിക‑സാമ്യൂഹ്യ വളർച്ച സാധ്യമായത് സനാതന ധർമ്മ സിദ്ധാന്തങ്ങൾക്കെതിരെ നിരന്തരസമരത്തിലൂടെയായിരുന്നുവെന്നും ഇന്ത്യയിൽ അതിന് തുടക്കം കുറിച്ചത് സതി നിർത്തലാക്കാൻ നേതൃത്വം നൽകിയ രാജാറാം മോഹൻ റോയിലൂടെയാണ്.
കേരളത്തിൽ സമാനസമരങ്ങൾ നേതൃത്വം നൽകിയ പ്രമുഖകരിൽ ഒരാൾ ശ്രീനാരായണ ഗുരു ആയിരുന്നു. വർത്തമാന കാലത്ത് സനതനധർമ്മത്തിന്റെ വക്താക്കൾ ആർഎസ്എസ് ആണെന്നും അദ്ദേഹം ആരോപിച്ചു. സിപിഐ മണ്ഡലം സെക്രട്ടറി ടി പി രഘുനാഥ് അധ്യക്ഷത വഹിച്ചു.സിപിഐ ജില്ലാ ട്രഷറർ ടി കെ സുധീഷ്, അഡ്വ.എ ഡി സുദർശനൻ, വി എ കൊച്ചു മൊയ്തീൻ,ടി എൻ തിലകൻ, സോമൻ താമരക്കുളം, ഗീത പ്രസാദ്, സുവർണ്ണ ജയശങ്കർ തുടങ്ങിയവർ സംസാരിച്ചു.
English Summary: Sanatana Dharma Doctrine of Inequality: KG Sivanandan
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.