ഹജ്ജ് തീര്ത്ഥാടകര്ക്ക് ഏര്പ്പെടുത്തിയ നിയന്ത്രണങ്ങള് എടുത്തുമാറ്റുമെന്ന് സൗദി അറേബ്യ. മൂന്ന് വര്ഷമായി ഏര്പ്പെടുത്തിയ കോവിഡ് നിയന്ത്രണങ്ങളാണ് സൗദി എടുത്ത് മാറ്റുന്നത്. കോവിഡ് വ്യാപനം കാരണം ഏര്പ്പെടുത്തിയ തീര്ത്ഥാടകരുടെ പ്രായപരിധിയടക്കം പിന്വലിക്കുമെന്ന് സൗദി ഹജ്ജ് ഉംറ മന്ത്രി തൗഫീക്ക് അല് റാബിയ അറിയിച്ചു.
2022 ല് 18 നും 65നും ഇടയില് പ്രായമുള്ള വാക്സിന് സ്വീകരിച്ച തീര്ത്ഥാടകര്ക്ക് മാത്രമാണ് സന്ദര്ശനം അനുവദിച്ചിരുന്നത്.
ഹജ് തീർത്ഥാടകർക്കുള്ള ഇൻഷുറൻസ് പോളിസി 109 റിയാലിൽ നിന്ന് 29 റിയാലായി കുറച്ചു. ഉംറ തീർത്ഥാടകർക്കുള്ള ഇൻഷുറൻസ് 235 റിയാലിൽ നിന്ന് 88 റിയാലായി കുറച്ചിട്ടുണ്ട്. ഉംറ വിസ 30 ദിവസത്തിൽ നിന്ന് 90 ദിവസമായി നീട്ടിയിട്ടുണ്ടെന്നും ഉംറ വിസയുള്ള ഏതൊരു തീർത്ഥാടകര്ക്കും രാജ്യത്തെ ഏത് നഗരവും സന്ദർശിക്കാമെന്നും അദ്ദേഹം വിശദീകരിച്ചു.
26 ലക്ഷം ആളുകളാണ് കോവിഡ് വ്യാപനത്തിന് മുന്പ് 2019ല് ഹജ്ജ് തീര്ത്ഥാടനത്തിനെത്തിയത്. മക്കയിലും മദീനയിലും ഏര്പ്പെടുത്തിയ നിയന്ത്രണങ്ങള് നീക്കുന്നതോടെ ഇത്തവണ കൂടുതല് തീര്ത്ഥാടകര് എത്തുമെന്ന് പ്രതീക്ഷിക്കുന്നതായി അധികൃതര് പറഞ്ഞു. ഈ മാസം 26 നാണ് ഹജ്ജ് തീര്ത്ഥാടനം ആരംഭിക്കുക.
English Summary;Saudi Arabia lifts restrictions on Hajj pilgrims
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.