ഹാപ്പൂരിലെ ഒരു സ്കൂളിൽ ഒൻപതാം ക്ലാസുകാരിക്ക് നേരെ പ്രിൻസിപ്പൽ കൊലവിളി നടത്തിയെന്ന ആരോപണം. ഹാപ്പൂരിലെ പിൽഖുവ വി ഐ പി ഇന്റർ കോളജിലാണ് സംഭവം. വിദ്യാർത്ഥിനിയെ കൊല്ലുമെന്ന് പറഞ്ഞ് ഭീഷണിപ്പെടുത്തുന്ന ദൃശ്യങ്ങൾ ഇപ്പോൾ സാമൂഹിക മാധ്യമങ്ങളിൽ വ്യാപകമായി പ്രചരിക്കുകയാണ്. വിദ്യാർത്ഥിനി സുഹൃത്തിനൊപ്പം ക്ലാസ് മുറിക്ക് പുറത്ത് നിൽക്കുന്നത് പ്രിൻസിപ്പൽ ചോദ്യം ചെയ്തതാണ് പ്രശ്നങ്ങൾക്ക് തുടക്കം. ഇതിനെത്തുടർന്ന് വിദ്യാർത്ഥിനിയെ മുടിയിൽ പിടിച്ച് വലിച്ചിഴച്ച് മർദിച്ചെന്നാണ് രക്ഷിതാക്കളുടെ പരാതി.
പ്രചരിക്കുന്ന വീഡിയോയിൽ, പ്രിൻസിപ്പൽ ഓഫീസിനുള്ളിൽ രണ്ട് യുവതികളും പെൺകുട്ടിയുടെ കുടുംബത്തിൽ നിന്നുള്ള ഒരു പുരുഷനും നിൽക്കുന്നത് കാണാം. പ്രിൻസിപ്പൽ തുടർച്ചയായി ചീത്ത വിളിക്കുകയും “നിനക്ക് എന്ത് വേണമെങ്കിലും ചെയ്യാം. ഞാൻ അവളെ കൊല്ലും. അവൾ എൻ്റെ കൈ പിടിച്ചാൽ ഞാൻ അവളെ കൊല്ലും” എന്ന് പറഞ്ഞ് ഭീഷണിപ്പെടുത്തുകയും ചെയ്യുന്നുണ്ട്. “അവളൊരു കുഞ്ഞാണ്, നിങ്ങൾക്ക് ഇങ്ങനെ പറയാൻ കഴിയില്ല” എന്ന് പെൺകുട്ടിയുടെ മാതാപിതാക്കൾ പ്രതികരിക്കുന്നുണ്ട്. സംഭവത്തിൽ കർശന നടപടി ആവശ്യപ്പെട്ട് വിദ്യാർത്ഥിനിയുടെ കുടുംബം പിൽഖുവ പൊലീസിൽ പരാതി നൽകിയിട്ടുണ്ട്.
“ये हाथ तो पकड़े, इसकी हत्या कर दूंगी”#Video : Shocking incident at a school in Pilkhuwa, Hapur — a Class 9 student was allegedly slapped, abused, and dragged by her hair by the principal. The viral video even shows death threats to the girl’s family. Strict action must follow.… pic.twitter.com/WqcYguXbvZ
— Kushagra Mishra (@m_kushagra) November 22, 2025
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.