പ്രധാനമന്ത്രി നരേന്ദ്രമോഡിയുടെ ആന്ധ്രാപ്രദേശ് സന്ദര്ശനത്തിനിടെ ഗുരുതര സുരക്ഷാ വീഴ്ച. പ്രധാനമന്ത്രിയുടെ ഹെലികോപ്ടര് വിജയവാഡ വിമാനത്താവളത്തില് നിന്ന് പറന്നുയര്ന്നതിന് പിന്നാലെ കറുത്ത ബലൂണുകള് ആകാശത്ത് പ്രത്യക്ഷപ്പെടുകയായിരുന്നു. പ്രധാനമന്ത്രിടെ ഹെലികോപ്ടറിന് സമീപം ബലൂണുകള് പറക്കുന്നതിന്റെ വീഡിയോ ദൃശ്യങ്ങളും പുറത്തുവന്നിരുന്നു.
സംഭവത്തില് നാല് കോണ്ഗ്രസ് പ്രവര്ത്തകരെ പൊലീസ് കസ്റ്റഡിയിലെടുത്തു. നിരവധിപ്പേര് നിരീക്ഷണത്തിലാണെന്നും അറസ്റ്റിലായവരെ കോടതിയില് ഹാജരാക്കുമെന്നും കൃഷ്ണ ജില്ലയിലെ ഡിഎസ്പി വിജയ് പാല് പറഞ്ഞു.
പ്രധാനമന്ത്രിയുടെ വിജയ്വാഡ സന്ദര്ശനത്തിനിടെ സുരക്ഷാ വീഴ്ചയുണ്ടായോയെന്ന് പ്രത്യേക സുരക്ഷാസേനയും മറ്റ് കേന്ദ്ര ഏജന്സികളും അന്വേഷിക്കും.
ബിജെപിയുടെ ദേശീയ എക്സിക്യൂട്ടീവില് പങ്കെടുക്കുന്നതിനാണ് മോഡി ഹൈദരാബാദിലെത്തിയത്. മോഡി വിജയവാഡയിലെത്തിയതോടെ കോണ്ഗ്രസുകാര് പ്രതിഷേധവുമായി തടിച്ചുകൂടി. മോഡിവിരുദ്ധ മുദ്രാവാക്യങ്ങളെഴുതിയ പ്ലക്കാര്ഡുകളും കറുത്ത ബലൂണുകളും ഇവരുടെ കൈവശമുണ്ടായിരുന്നു.
English summary;security breach; Black balloons near the PM’s plane
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.