നടിയെ ആക്രമിച്ച കേസില് വിചാരണക്കോടതി വിധിക്കെതിരെ ഒന്നാം പ്രതി പള്സര് സുനി ഹൈക്കോടതിയില് അപ്പീല് നല്കി. നടിയെ ആക്രമിച്ച് ദൃശ്യം പകര്ത്തിയെന്ന് പറയപ്പെടുന്ന മൊബൈല് ഫോണ് ഇതുവരെ കണ്ടെത്തിയിട്ടില്ല. മെമ്മറി കാര്ഡ് കണ്ടെടുത്തത് ചട്ടങ്ങള് പാലിക്കാതെയാണ്. തന്നെ കേസുമായി ബന്ധപ്പെടുത്തുന്നതില് പ്രോസിക്യൂഷന് പരാജയപ്പെട്ടെന്നും ഹര്ജിയില് സുനിയുടെ വാദം.
കേസില് ശിക്ഷിക്കപ്പെട്ട ഒന്നാം പ്രതി പള്സര് സുനി അടക്കം നാലു പേരാണ് ശിക്ഷ റദ്ദാക്കണം എന്നാവശ്യപ്പെട്ട് കോടതിയെ സമീപിച്ചത്. നടിയെ ആക്രമിച്ച കേസില് പള്സര് സുനി അടക്കം ആറു പ്രതികള്ക്ക് വിചാരണ കോടതി 20 വര്ഷം കഠിന തടവാണ് ശിക്ഷ വിധിച്ചിരുന്നു. കൂടാതെ 50,000 രൂപ പിഴയും വിധിച്ചിരുന്നു.
കേസില് രണ്ടാം പ്രതി മാര്ട്ടിന് ആന്റണി, മൂന്നാം പ്രതി തമ്മനം മണപ്പാട്ടിപ്പറമ്പില് ബി മണികണ്ഠന്, നാലാം പ്രതി കണ്ണൂര് കതിരൂര് മംഗലശ്ശേരി വീട്ടില് വി പി വിജീഷ്, അഞ്ചാം പ്രതി എറണാകുളം കുന്നുംപുറം പള്ളിക്കപ്പറമ്പില് വീട്ടില് എച്ച് സലീം എന്ന വടിവാള് സലിം, ആറാം പ്രതി തിരുവല്ല പെരിങ്ങറ പഴയനിലത്തില് വീട്ടില് പ്രദീപ് എന്നിവരെയാണ് കോടതി ശിക്ഷിച്ചത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.