പൊലീസുമായുണ്ടായ ഏറ്റുമുട്ടലില് തെലങ്കാനയിലെ മുളുഗിവില് ഏഴ് മാവോയിസ്റ്റുകള് കൊല്ലപ്പെട്ടു. മാവോയിസ്റ്റ് നേതാവായ പാപ്പണ്ണ എന്ന ബദ്രുവും കൊല്ലപ്പെട്ടവരില് ഉൾപ്പെടുന്നു. ചാൽപാകയിലെ ഉൾവനത്തിലാണ് ഏറ്റുമുട്ടലുണ്ടായതെന്ന് മുളുഗു എസ്പി ശബരീഷ് പറഞ്ഞു.
മാവോയിസ്റ്റുകളിൽ നിന്ന് എകെ 47 ഉൾപ്പടെയുള്ള ആയുധങ്ങളും വിവിധ സ്ഫോടക വസ്തുക്കളും പൊലീസ് പിടിച്ചെടുത്തു. നവംബർ 22ന് ഛത്തീസ്ഗഢിലെ സുഖ്മയിൽ 10 മാവോയിസ്റ്റുകൾ കൊല്ലപ്പെട്ടതിന് തെലങ്കാനയിൽ മറുപടി നൽകുമെന്ന റിപ്പോർട്ടുകളെ തുടർന്ന് പൊലീസ് പ്രദേശത്ത് കനത്ത ജാഗ്രത പുലർത്തിയിരുന്നു.
ഒരാഴ്ച മുൻപ് പൊലീസിന് വിവരം നൽകി എന്ന് പറഞ്ഞ് ഈ മേഖലയിൽ രണ്ട് ഗ്രാമവാസികളെ മാവോയിസ്റ്റുകൾ കൊലപ്പെടുത്തിയിരുന്നു. പ്രദേശത്ത് തിരച്ചിൽ നടക്കുകയാണ്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.