വീട്ടില് സെവൻഅപ്പ് കുപ്പിയില് സൂക്ഷിച്ചിരുന്ന മണ്ണെണ്ണ കുടിച്ച് രണ്ട് വയസുകാരന് ദാരുണാന്ത്യം. വീട്ടുകാർ പതിവായി കുട്ടിക്ക് സെവനപ്പ് വാങ്ങി കൊടുക്കാറുണ്ടായിരുന്നു. മണ്ണെണ്ണ സൂക്ഷിച്ചിരുന്ന കുപ്പി കണ്ട് സെവനപ്പാണന്ന് തെറ്റിദ്ധരിച്ച് കുട്ടി എടുത്ത് കുടിക്കുകയായിരുന്നു. കേരള-തമിഴ്നാട് അതിർത്തിയായ കുന്നത്തുകാൽ സ്വദേശികളായ അനില്, അരുണ ദമ്പതികളുടെ മകന് ആരോണാണ് മരിച്ചത്. കൂലിപ്പണിക്കാരനായ പിതാവ് അനിൽ രണ്ടുവര്ഷം മുമ്പ് മാവില് നിന്ന് വീണ് നട്ടെല്ലിന് ക്ഷതമേറ്റ് വീട്ടില് കിടപ്പിലാണ്. അടുക്കളയുടെ സമീപത്ത് കിടന്ന കസേര നീക്കി അലമാരയ്ക്ക് താഴെയെത്തിച്ച് അതില് കയറിയാണ് കുട്ടി മണ്ണെണ്ണ എടുത്തത്. മണ്ണെണ്ണ പകുതി കുടിച്ച ഉടന് അലറി കരഞ്ഞ ആരോണിനെ ഉടന്തന്നെ കാരക്കോണം മെഡിക്കല് കൊളേജിലും തുടര്ന്ന് തിരുവനന്തപുരം മെഡിക്കല് കൊളേജിലും എത്തിച്ച് ചികിത്സ നൽകിയെങ്കിലും ജീവന് രക്ഷിക്കാനായില്ല.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.