സോളാർ പാനൽ നിർമ്മാണ ഫാക്ടറിയിലെ വാട്ടർ ടാങ്ക് തകർന്ന് ആറ് പേർ മരിച്ചു. മഹാരാഷ്ട്രയിലെ എംഐഡിസി ബുട്ടിബോറി പ്രദേളത്തുള്ള ആവാദ ഇലക്ട്രോ പ്രൈവറ്റ് ലിമിറ്റഡിലാണ് രാവിലെ 9.30 ഓടെ സംഭവം നടന്നത്. പരിക്കേറ്റവരെ അടുത്തുള്ള ആശുപത്രിയിൽ പ്രവേശിപ്പിച്ചതായി നാഗ്പൂർ പൊലീസ് സൂപ്രണ്ട് ഹർഷ് പോദ്ദാർ പറഞ്ഞു. ജോലിക്കിടെ വാട്ടർ ടാങ്ക് പൊട്ടി തൊഴിലാളികളുടെ മുകളിൽ വീഴുകയായിരുന്നു. തുടർന്ന് പൊലീസിനെയും അഗ്നിസുരക്ഷാ ഉദ്യോഗസ്ഥരയും വിവരം അറിയിച്ചു. ഉദ്യോഗസ്ഥർ ഉടൻ തന്നെ സ്ഥലത്തെത്തി സ്ഥിതിഗതികൾ നിയന്ത്രണവിധേയമാക്കുകയും ചെയ്തുവെന്ന് പൊലീസ് സൂപ്രണ്ട് ഹർഷ് പോദ്ദാർ പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.