തിരുവനന്തപുരം വിമാനത്താവളത്തില് വിമാനത്തിൽ പുക കണ്ടെത്തി. തിരുവനന്തപുരത്ത് നിന്ന് മസ്കറ്റിലേക്ക് പുറപ്പെടാനിരുന്ന എയര് ഇന്ത്യ വിമാനത്തില് നിന്നാണ് പുക ഉയർന്നത്. യാത്രക്കാര് ബഹളം വച്ചതോടെയാണ് സംഭവം ശ്രദ്ധയില്പ്പെട്ടത്. വിമാനം റണ്വേയില് എത്തിയപ്പോഴായിരുന്നു സംഭവം. ടെക്ക് ഓഫിന് തൊട്ട് മുൻപായിരുന്നു വിമാനത്തില് നിന്ന് ഉയർന്നത് അധികൃതരുടെ ശ്രദ്ധയില്പ്പെട്ടത്. ഉടന് തന്നെ യാത്രക്കാരെ തിരിച്ചിറക്കി പരിശോധന നടത്തി. 142 യാത്രക്കാരും സുരക്ഷിതരാണെന്ന് അധികൃതര് വ്യക്തമാക്കി. തീപിടിത്തം അല്ലെന്നും അധികൃതര് അറിയിച്ചു. സംഭവത്തില് പരിശോധന നടക്കുകയാണെന്നും വിമാനത്താവള അധികൃതര് വ്യക്തമാക്കി. യാത്രക്കാരെ സുരക്ഷിതരായി ടെര്മിനലിലേക്കു മാറ്റി. ബദല് സംവിധാനം ഒരുക്കുന്നതില് തീരുമാനമായിട്ടില്ല.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.