തൃശൂരിലെ പറപ്പൂക്കര മുത്രത്തിക്കരയിൽ മകൻ അച്ഛനെ വെട്ടി പരിക്കേൽപ്പിച്ചു. മുത്രത്തിക്കര മേക്കാടൻ രവിയ്ക്കാണ്(60) മകൻ വിഷ്ണുവിന്റെ വെട്ടേറ്റത്. ആക്രമണത്തിന് ശേഷം വിഷ്ണു വീടിന്റെ മുകളിലത്തെ നിലയിൽ വാതിലടച്ച് ഒളിച്ചിരിക്കുകയാണ്. കൈയ്യിൽ മാരകായുധങ്ങളുമായാണ് ഇയാൾ വീടിനുള്ളിൽ കയറിയത്. വിഷ്ണു ആത്മഹത്യാ ഭീഷണി മുഴക്കുന്നതായും റിപ്പോർട്ടുകളുണ്ട്. സംഭവമറിഞ്ഞെത്തിയ പൊലീസും ഫയർഫോഴ്സും ചേർന്ന് ഇയാളെ അനുനയിപ്പിക്കാനുള്ള ശ്രമം തുടരുകയാണ്. തലയ്ക്കും കഴുത്തിനും ആഴത്തിൽ മുറിവേറ്റ രവിയെ തൃശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.