ദക്ഷിണേന്ത്യക്കാര് ആഫ്രിക്കക്കാരെപ്പോലെയാണെന്നും രാജ്യത്തിന്റെ കിഴക്കു ഭാഗത്തുള്ളവര് ചൈനക്കാരെപ്പോലെയാണെന്നുമുള്ള വിവാദ പ്രസ്താവനയുമായി ഇന്ത്യന് ഓവര്സീസ് കോണ്ഗ്രസ് തലവനായ സാം പിട്രോഡ. ഒരു ഇംഗ്ലീഷ് ദിനപ്പത്രത്തിന് നല്കിയ അഭിമുഖത്തിലാണ് പിത്രോദയുടെ വിവാദ പരാമര്ശം. ഇന്ത്യയുടെ വൈവിധ്യത്തെയും ജനാധിപത്യത്തെയും കുറിച്ച് ഉദാഹരിക്കുമ്പോഴായിരുന്നു പിത്രോദയുടെ വിവാദ പരാമര്ശം.
”വളരെ സന്തോഷകരമായ അന്തരീക്ഷത്തിലാണ് രാജ്യത്തെ ജനങ്ങള് 75 വര്ഷം അതിജീവിച്ചത്. ചെറിയ ചില വഴക്കുകളുണ്ടായിട്ടുണ്ടെങ്കിലും ആളുകള്ക്ക് ഒരുമിച്ച് ജീവിക്കാന് കഴിഞ്ഞു. രാജ്യത്തിന്റെ കിഴക്കുള്ള ആളുകള് ചൈനക്കാരെപ്പോലെയും പടിഞ്ഞാറുള്ളവര് അറബികളെപ്പോലെയും വടക്കുള്ള ആളുകള് വെളളക്കാരെപ്പോലെയും ദക്ഷിണേന്ത്യക്കാര് ആഫ്രിക്കക്കാരെപ്പോലെയും കാണപ്പെടുന്നു. അതൊന്നും പ്രശ്നമല്ല. നമ്മളെല്ലാം സഹോദരീസഹോദരന്മാരാണ്. അഭിമുഖത്തില് സാം പിത്രോദ അഭിപ്രായപ്പെട്ടു. വ്യത്യസ്ത ഭാഷകളെയും വ്യത്യസ്ത മതങ്ങളെയും ആചാരങ്ങളെയും ഭക്ഷണത്തെയും ബഹുമാനിക്കുന്നു. അതാണ് ഇന്ത്യ, ഇവിടെ എല്ലാവര്ക്കും ഒരിടമുണ്ട്, എല്ലാവരും വിട്ടുവീഴ്ച ചെയ്യുന്നുവെന്നും അദ്ദേഹം അഭിപ്രായപ്പെട്ടു.
പിത്രോദയുടെ പരാമര്ശം വംശീയ അധിക്ഷേപമാണെന്നാരോപിച്ച് ബിജെപി രംഗത്തെത്തി. വടക്കുകിക്കന് സംസ്ഥാനങ്ങളിലുള്ളവര് ഇന്ത്യാക്കാരാണെന്ന് അസം മുഖ്യമന്ത്രി ഹിമന്ത ബിശ്വ ശര്മ്മ അഭിപ്രായപ്പെട്ടു. മണിപ്പൂര് മുഖ്യമന്ത്രി ബിരേന് സിങും സാം പിത്രോദയുടെ പരാമര്ശത്തെ അപലപിച്ചു. വിവാദ പ്രസ്താവനയില് കോണ്ഗ്രസ് പാര്ട്ടി വടക്കു കിഴക്കന് സംസ്ഥാനങ്ങളിലുള്ളവരോട് മാപ്പു പറയണമെന്ന് ബിരേന് സിങ് പ്രതികരിച്ചു.
English Summary: South Indians like Africans; Sam Pitroda
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.