ഗാസയ്ക്കെതിരായ യുദ്ധത്തില്‍ ഇസ്രയേല്‍ അന്താരാഷട്ര നിയമങ്ങള്‍ പാലിക്കുന്നതില്‍ കടുത്ത സംശയം പ്രകടിപ്പിച്ച് സ്പാനിഷ് പ്രധാനമന്ത്രി പെഡ്രോ സാഞ്ചസ്.‍ഞങ്ങള്‍ കാണുന്ന ദൃശ്യങ്ങളും വര്‍ദ്ധിച്ചുവരുന്ന ശിശുമരണങ്ങളുടെ എണ്ണവും ഇസ്രയേലിന്‍റെ അന്താരാഷട്ര മാനുഷിക നിയമങ്ങള്‍ പാലിക്കുന്നതിനെക്കുറിച്ച് ഗുരുതരമായ സംശയങ്ങളാണ് ഉയര്‍ത്തുന്നത്. ഗാസയില്‍ നടക്കുന്നത് ഒരിക്കലും അംഗീകരിക്കാന്‍ കഴിയില്ലെന്നും അദ്ദേഹം വ്യക്തമാക്കുന്നു

സാഞ്ചസ് സ്പാനിഷ് സർക്കാർ ഉടമസ്ഥതയിലുള്ള ബ്രോഡ്കാസ്റ്റർ ടേലിവിഷന് നൽകിയ അഭിമുഖത്തിൽ പറഞ്ഞു.അക്രമം കൂടുതൽ അക്രമത്തിലേക്ക് നയിക്കുന്നു, ഈജിപ്തിലെ റഫ ക്രോസിംഗ് സന്ദർശിച്ചപ്പോൾ അദ്ദേഹം പറഞ്ഞു. സമ്പൂർണ വെടിനിർത്തൽ വേണമെന്നും പെഡ്രോ സാഞ്ചസ്.‍ ആവശ്യപ്പെട്ടു. ഗാസയ്‌ക്കെതിരായ ഇസ്രായേൽ ആക്രമണങ്ങളെ അപലപിക്കുകയും ഫലസ്തീനെ ഒരു സ്വതന്ത്ര രാഷ്ട്രമായി അംഗീകരിക്കുന്നതിനെക്കുറിച്ച് ചർച്ച ചെയ്യാൻ യൂറോപ്പിനോട് ആവശ്യപ്പെടുകയും ചെയ്‌തതാണ് ഇസ്രായേലിനെ ചൊടിപ്പിച്ചത്.

ഇത്തരം പ്രസ്താവനകൾ ഭീകരതയെ വളർത്തുന്നുവെന്ന സാഞ്ചസിന്റെ അഭിപ്രായത്തോട് ഇസ്രായേൽ വിദേശകാര്യ മന്ത്രി എലി കോഹൻ പ്രതികരിച്ചു. തുടർന്ന് കോഹൻ സ്പാനിഷ് അംബാസഡറെ വിളിച്ച് തന്റെ പ്രതിഷേധം രേഖപ്പെടുത്തി. ഇസ്രായേലും ഹമാസും തമ്മിലുള്ള വെടിനിർത്തൽ ദിവസങ്ങള്‍ കടന്നിരിക്കുകയാണ്.

English Summary:
Spanish PM cast doubt on Israel’s compliance with international law in war on Gaza