ഓണാഘോഷത്തിന്റെ പ്രധാന ആകര്ഷണങ്ങളിലൊന്നാണ് പുലികളി. സംസ്ഥാനത്ത് പുലികളിയെ സംരക്ഷിക്കുന്നതിനും പ്രോത്സാഹിപ്പിക്കുന്നതിനുമായി തൃശൂര് ജില്ലയിലെ എട്ട് പുലികളി സംഘങ്ങള്ക്ക് നാല് ലക്ഷം രൂപ ധനസഹായം അനുവദിക്കാന് സര്ക്കാര് ഉത്തരവായി. ഓരോ സംഘത്തിനും 50,000 രൂപ വീതം അനുവദിക്കാനാണ് ടൂറിസം ഡയറക്ടര്ക്ക് അനുമതി നല്കിയത്.
തൃശൂര് ജില്ലാ ടൂറിസം പ്രൊമോഷന് കൗണ്സില് ചെയര്മാനും ജില്ലാ കളക്ടറും ചേർന്ന് പുലികളി സംഘങ്ങള്ക്ക് സാമ്പത്തിക സഹായം നല്കുന്നതിനുള്ള അപേക്ഷ സര്ക്കാരിന് സമര്പ്പിച്ചിരുന്നു.
കലാരൂപത്തിൽ കൂടുതല് കലാകാരന്മാരെ ഉള്പ്പെടുത്തുന്നതിനും അതിനാവശ്യമായ ബോഡി പെയിന്റുകള്, മികച്ച വസ്ത്രങ്ങള്, സുരക്ഷാ സംവിധാനങ്ങള് എന്നിവയ്ക്കുമായി ധാരാണം പണം ആവശ്യമാണ്. ധനസഹായം അനുവദിക്കുന്നതിലൂടെ 400ലധികം കലാകാരന്മാര്ക്ക് നേരിട്ട് സഹായം ലഭ്യമാകും. ഇത് വഴി ടൂറിസ്റ്റുകളുടെ എണ്ണത്തില് 25 ശതമാനത്തോളം വര്ദ്ധനവും 2.53 കോടി രൂപയുടെ പ്രാദേശിക സാമ്പത്തിക നേട്ടങ്ങളും ഉണ്ടാകും. വിഷയം വിശദമായി പരിശോധിച്ച സര്ക്കാര് പുലികളിയെ കേരളത്തിന്റെ സാംസ്കാരിക പൈതൃകത്തിന്റെ പ്രധാന ഭാഗമായി നിലനിര്ത്തുന്നതില് പുലികളി സംഘങ്ങള് വഹിക്കുന്ന നിര്ണ്ണായക പങ്ക് കണക്കിലെടുത്താണ് ധനസഹായം അനുവദിച്ചത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.