സംസ്ഥാന പൊലീസ് മേധാവി അനില്കാന്ത് നാളെ സര്വീസില് നിന്ന് വിരമിക്കും. രണ്ടു വര്ഷമാണ് അനില്കാന്ത് സംസ്ഥാന പൊലീസ് മേധാവിയായി പ്രവര്ത്തിച്ചത്. ഡല്ഹി സ്വദേശിയാണ്. ഡല്ഹി യൂണിവേഴ്സിറ്റിയില് നിന്ന് പൊളിറ്റിക്കല് സയന്സില് ബിരുദാനന്തര ബിരുദം നേടി. 1988 ബാച്ചില് ഇന്ത്യന് പൊലീസ് സര്വീസില് കേരളാ കേഡറില് പ്രവേശിച്ചു.
റോഡ് സുരക്ഷാ കമ്മിഷണര് സ്ഥാനത്ത് നിന്നാണ് അനില്കാന്ത് സംസ്ഥാന പൊലീസ് മേധാവി പദവിയിലെത്തിയത്. എഎസ്പി ആയി വയനാട് സര്വീസ് ആരംഭിച്ച അദ്ദേഹം തിരുവനന്തപുരം റൂറല്, റെയില്വേ എന്നിവിടങ്ങളില് എസ്പി ആയി പ്രവര്ത്തിച്ചു.തുടര്ന്ന് ന്യൂഡല്ഹി, ഷില്ലോങ് എന്നിവിടങ്ങളില് ഇന്റലിജന്സ് ബ്യൂറോയില് അസിസ്റ്റന്റ് ഡയറക്ടര് ആയി.
മടങ്ങിയെത്തിയശേഷം പൊലീസ് ട്രെയിനിങ് കോളജില് പ്രിന്സിപ്പളായി. കൊച്ചി സിറ്റി പൊലീസ് കമ്മിഷണര്, മലപ്പുറം, എറണാകുളം ക്രൈംബ്രാഞ്ച് എന്നിവിടങ്ങളില് എസ്പി, സ്പെഷ്യല് ബ്രാഞ്ച്, തിരുവനന്തപുരം റേഞ്ച് എന്നിവിടങ്ങളില് ഡിഐജി, സ്പെഷ്യല് ബ്രാഞ്ച്, ക്രൈംബ്രാഞ്ച് എന്നിവിടങ്ങളില് ഐജി, അഡിഷണല് എക്സൈസ് കമ്മിഷണര്, കേരള പൊലീസ് ഹൗസിങ് കണ്സ്ട്രക്ഷന് കോര്പറേഷന് ചെയര്മാന് ആന്റ് മാനേജിങ് ഡയറക്ടര്, സ്റ്റേറ്റ് ക്രൈം റെക്കോര്ഡ്സ് ബ്യൂറോ എഡിജിപി, ഫയര്ഫോഴ്സ്, ബറ്റാലിയന്, പൊലീസ് ആസ്ഥാനം, സൗത്ത്സോണ്, ക്രൈംബ്രാഞ്ച് എന്നിവിടങ്ങളില് എഡിജിപി, ജയില് മേധാവി, വിജിലന്സ് ആന്റ് ആന്റി കറപ്ഷന് ബ്യൂറോ തലവന്, ഗതാഗത കമ്മിഷണര് എന്നീ ചുമതലകള് വഹിച്ചിട്ടുണ്ട്. വിടവാങ്ങല് പരേഡ് വെള്ളിയാഴ്ച രാവിലെ 7.45ന് തിരുവനന്തപുരം പേരൂര്ക്കട എസ്എപി പരേഡ് ഗ്രൗണ്ടില് നടക്കും. കേരളാ പൊലീസിന്റെ ഔദ്യോഗിക യാത്രയയപ്പ് ചടങ്ങ് വെളളിയാഴ്ച ഉച്ചയ്ക്ക് 12ന് പൊലീസ് ആസ്ഥാനത്ത് സംഘടിപ്പിച്ചിട്ടുണ്ട്.
English Summary:State police chief Anilkanth will retire tomorrow
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.