തിരുവനന്തപുരത്ത് വീട്ടുമുറ്റത്ത് കളിച്ചുകൊണ്ടിരുന്ന നാലു വയസുകാരിയെ തെരുവുനായ അക്രമിച്ചു

തിരുവനന്തപുരം അഞ്ചുതെങ്ങ് മാമ്പള്ളിയിൽ വീട്ടുമുറ്റത്ത് കളിച്ചുകൊണ്ടിരുന്ന നാലു വയസുകാരിയെ തെരുവുനായ അക്രമിച്ചു. മാമ്പള്ളി കൃപാനഗറിൽ റീജൻ ‑സരിത ദമ്പതികളുടെ മകൾ റോസ്‌ലിയ്ക്കാണ് തെരുവുനായ ആക്രമണത്തില്‍ പരിക്കേറ്റത്. രാവിലെ എട്ടു മണിയോടെയാണ് സംഭവം.

നിലവിളികേട്ടു സമീപ വാസികൾ ഓടിയെത്തി കുട്ടിയെ രക്ഷിക്കുകയായിരുന്നു. നായയുടെ അക്രമത്തിൽ ഗുരുതരമായി പരിക്കേറ്റ കുട്ടിയെ ഉടൻ തന്നെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കുഞ്ഞിന്റെ മുഖത്തും ചുണ്ടിലും കൈകളിലും നായയുടെ കടിയേറ്റു ഗുരുതരമായ മുറിവേറ്റിട്ടുണ്ട്.

Eng­lish Sum­ma­ry: stray dog attack
You may also like this video