മഹാഭാരതത്തെ ഹിന്ദുത്വവൽക്കരിക്കാനുള്ള ശ്രമങ്ങൾക്കെതിരെയുള്ള പോരാട്ടം മഹാഭാരതത്തിനുള്ളിൽ ഇറങ്ങി നടത്തണം: സുനിൽ പി ഇളയിടം

മഹാഭാരതത്തെ ഹിന്ദുത്വവൽക്കരിക്കാനുള്ള ശ്രമങ്ങൾക്കെതിരെയുള്ള പോരാട്ടം മഹാഭാരതത്തിനുള്ളിൽ ഇറങ്ങി നടത്തണമെന്ന് സുനിൽ പി ഇളയിടം അഭിപ്രായപ്പെട്ടു. മഹാഭാരതത്തിന്റെ പാഠഭേദങ്ങളെക്കുറിച്ചും പല വായനകളെക്കുറിച്ചും കേരള ലിറ്ററേച്ചർ ഫെസ്റ്റിവലിൽ നടന്ന ചർച്ചയിൽ സംസാരിക്കുകയായിരുന്നു അദ്ദേഹം. മനുഷ്യാവസ്ഥകളെക്കുറിച്ചുള്ള ചോദ്യങ്ങളും ഉത്തരങ്ങളും മഹാഭാരതത്തിലുണ്ട്. തോൽവിയുടെയും ജയത്തിന്റെയും സമ്മിശ്രമാണത്. മഹാഭാരതം ഹിന്ദുക്കളുടേത് മാത്രമല്ല എന്ന നെഹ്റുവിന്റെ വാക്കുകൾ ഇന്ന് പ്രസക്തമാണെന്നും സുനിൽ പി ഇളയിടം കൂട്ടിച്ചേർത്തു. 

ചരിത്രത്തിന്റെയും സമകാലീനതയുടെയും സമന്വയമാണ് മഹാഭാരതം എന്നും അതിനെ ഏകമാനമായ തത്വത്തിലേക്കോ മൂല്യത്തിലേക്കോ ഒതുക്കാനാവില്ലെന്നും സാംസ്കാരിക വിമർശകനായ എന്നും അദ്ദേഹം പറഞ്ഞു. ബ്രാഹ്മണികമായ അടരുകൾ മഹാഭാരതത്തിനുണ്ട്. എന്നാൽ അത് മാത്രമാണ് മഹാഭാരതം എന്ന് പറയുക സാധ്യമല്ല, അതിനെ പൂർണ്ണമായും ബ്രാഹ്മണ വൽക്കരിക്കാനുള്ള നീക്കങ്ങൾ തടയപ്പെടേണ്ടതുണ്ടെന്നും അദ്ദേഹം കൂട്ടിച്ചേർത്തു. മഹാഭാരതത്തിലേക്കുള്ള തിരിച്ചു പോക്ക് അപകടമല്ല. സൂക്ഷ്മമായ വായന അനിവാര്യമാണെന്ന് ചർച്ച മോഡറേറ്റ് ചെയ്ത പ്രൊഫ. എം വി നാരായണൻ അഭിപ്രായപ്പെട്ടു. 

Eng­lish Sum­ma­ry: Strug­gle against attempts to Hin­dutise Mahab­hara­ta should be waged with­in Mahab­hara­ta: Sunil P Ilaiyadam

You may also like this video