ഹോസ്റ്റല് മുറിയില് പെണ്കുട്ടിയെ തൂങ്ങിമരിച്ച നിലയില് കണ്ടെത്തി. കോതമംഗലം നെല്ലിക്കുഴിയിലാണ് സംഭവം. ഒന്നാംവര്ഷ ബിബിഎ വിദ്യാര്ഥിനിയും ഇടുക്കി മാങ്കുളം സ്വദേശമായ നന്ദന ഹരിയാണ് മരിച്ചത്. പെണ്കുട്ടിയുടെ മരണത്തില് ദുരൂഹതയില്ല എന്ന് പൊലീസ് വ്യതക്തമാക്കിയെങ്കിലും സമഗ്ര അന്വേഷണം വേണമെന്നും മരണത്തില് ദുരൂഹതയുണ്ടെന്നും മാതാപിതാക്കളും ആവശ്യപ്പെട്ടുകയായിരുന്നു. പിന്നാലെ കോളജ് അധികൃതരും പിൻതുണച്ച് എത്തി.
ഇന്ന് രാവിലെ 8.30ഓടുകൂടിയാണ് നെല്ലിക്കുഴി ഇന്ദിരാഗാന്ധി ആര്ട്സ് ആൻ്ഡ് സയന്സ് കോളജിന്റെ ഹോസ്റ്റല് മുറിയില് പെണ്കുട്ടിയെ തൂങ്ങിമരിച്ച നിലയില് കണ്ടെത്തിയത്. അവധി ദിവസം കഴിഞ്ഞ് ഹോസ്റ്റലിലേക്ക് എത്തിയ സഹപാഠിയാണ് ഫാനില് തൂങ്ങിയ നിലയില് നന്ദനയെ ആദ്യം കാണുന്നത്. ഉടൻ തന്നെ കോളജ് അധികൃതരും പൊലീസും സംഭവസ്ഥലത്ത് എത്തുകയായിരുന്നു. സംഭവത്തില് വിശദമായ അന്വേഷണം ആരംഭിക്കുമെന്ന് കോതമംഗലം പൊലീസ് അറിയിച്ചു. കളമശേരി മെഡിക്കല് കോളജില് പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനല്കി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.