ആലപ്പുഴ കലവൂര് സുഭദ്ര കൊലപാതക കേസില് പ്രതികള് പിടിയില്. കേസിലെ പ്രതികളായ ശര്മിളയും മാത്യൂസും മണിപ്പാലില് നിന്നാണ് പിടിയിലായത്. പ്രതികള് അയല്സംസ്ഥാനത്തേക്ക് കടന്നുവെന്ന വിവരത്തെ തുടര്ന്ന് തമിഴ്നാട്, കര്ണാടക സംസ്ഥാനങ്ങള് കേന്ദ്രീകരിച്ച് പൊലീസ് അന്വേഷണം ആരംഭിച്ചിരുന്നു. നേരത്തെ ഉഡുപ്പിയില് നിന്ന് പ്രതികളുടെ ഫോണ് ലൊക്കേഷന് പൊലീസ് കണ്ടെത്തിയിരുന്നു. കൊലപാതകം പുറത്തറിഞ്ഞ് രണ്ട് ദിവസത്തിന് ശേഷമാണ് പ്രതികളെ പിടികൂടിയത്.
ഇരുവരും ആദ്യം ഉഡുപ്പിയിലേക്ക് കടന്നുവെന്നാണ് വിവരം ലഭിച്ചത്. എറണാകുളം സൗത്ത് റെയില്വേ സ്റ്റേഷനടുത്ത് കരിത്തല റോഡ് ‘ശിവകൃപ’യില് സുഭദ്രയുടെ (73) മൃതദേഹമാണു ആലപ്പുഴ കലവൂരിലെ വീട്ടുവളപ്പില് കണ്ടെത്തിയത്. ഈ വീട്ടില് വാടകയ്ക്കു താമസിച്ചിരുന്ന കാട്ടൂര് പള്ളിപ്പറമ്പില് മാത്യൂസും (നിധിന്) ഭാര്യ കര്ണാടക ഉഡുപ്പി സ്വദേശി ശര്മിളയും കൊലപാതക വിവരം പുറത്തുവന്നതിന് പിന്നാലെ ഒളിവില് പോകുകയായിരുന്നു. സുഭദ്രയെ പ്രതികള് കൊലപ്പെടുത്തിയത് ദീര്ഘമായ ആസൂത്രണത്തിന് ശേഷമാണെന്ന് പൊലീസ് നിഗമനം. കടം വാങ്ങിയ പണത്തെച്ചൊല്ലി ഇടഞ്ഞ സുഭദ്രയെ അനുനയിപ്പിച്ച് വീട്ടിലെത്തിച്ച് കൊലപ്പെടുത്തുകയായിരുന്നുവെന്ന് പൊലീസ് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.