കാലാവസ്ഥാ വ്യതിയാനം മൂലം വേനല്ക്കാലം എത്തും മുന്പു തന്നെ ഇത്തവണ ചൂടിന്റെ ആധിക്യം വര്ദ്ധിച്ചിരിക്കുകയാണ്. അതിന്റെ ഭാഗമായി അഗ്നിബാധയടക്കം ഒഴിവാക്കാന് സാധ്യമായ എല്ലാ മുന്കരുതലുകളും സ്വീകരിക്കണമെന്ന് ജനങ്ങളോടഭ്യര്ത്ഥിക്കുന്നു. ഏത് തീപ്പിടത്തമായാലും ഉടന് തന്നെ വിവരം അടുത്തുള്ള ഫയര് ആന്ഡ് റെസ്ക്യൂ സ്റ്റേഷനെ അറിയിക്കണം. അഗ്നിബാധയും മറ്റ് അപകടങ്ങളും അഗ്നിരക്ഷാ വകുപ്പിനെ 131 എന്ന നമ്പറില് സമയബന്ധിതമായി അറിയിക്കാനും ശ്രദ്ധിക്കണം.
അഗ്നിബാധയ്ക്ക് ഇടയാക്കുന്ന തരത്തില് തീക്കൊള്ളിയും മറ്റും അലക്ഷ്യമായി വലിച്ചെറിയരുത്. പൊതുസ്ഥലങ്ങളില് വേസ്റ്റ് കത്തിക്കരുത്. വേസ്റ്റും മറ്റും കത്തിച്ച സ്ഥലങ്ങളില് വാഹനങ്ങള് പാര്ക്ക് ചെയ്യരുത്. കെട്ടിടങ്ങള്ക്ക് സമീപം തീ പടരാന് സാധ്യതതയുള്ള എന്തെങ്കിലും ഉണ്ടെങ്കില് അത് നീക്കം ചെയ്യണം. പൊതുസ്ഥലങ്ങളില് പുകവലി നിര്ബന്ധമായും ഒഴിവാക്കുക. മാലിന്യം നിക്ഷേപിക്കുന്ന സ്ഥലങ്ങളില് പൊട്ടിത്തെറിക്കുന്നതോ ആളിക്കത്തുന്നതോ ആയ ദ്രാവകങ്ങള് അടങ്ങിയ കുപ്പികളോ സമാനമായ മറ്റു വസ്തുക്കളോ ഇടാതിരിക്കുക എന്നിവയൊക്കെ പ്രധാാനമാണ്.
കെട്ടിടങ്ങളിലെ സ്ഥിരം അഗ്നിശമന സംവിധാനങ്ങള് പ്രവര്ത്തനക്ഷമമാണെന്ന് ഉറപ്പാക്കണം, തീ കത്താന് പര്യാപ്തമായ വസ്തുക്കള് കൂട്ടിയിടരുത്. വൈദ്യുത ഉപകരണങ്ങള് ഉപയോഗിക്കുമ്പോഴും ശേഷവും അഗ്നിബാധയ്ക്കുള്ള സാധ്യത ഒഴിവാക്കാനുള്ള മുന്കരുതല് സ്വീകരിക്കണം. രാത്രിയില് മൊബൈല് ഫോണ് അടക്കമുള്ള ഉപകരണങ്ങളില് നിന്നും അഗ്നിബാധയ്ക്കുള്ള സാധ്യത ഒഴിവാക്കണം.
ഒഴിഞ്ഞ പറമ്പുകളിലും പുരയിടങ്ങളിലും കത്താന് പര്യാപ്തമായ രീതിയില് പുല്ലും സസ്യലതാതികളും ഉണങ്ങി നില്ക്കുന്നവ നീക്കം ചെയ്യണം. കാട്ടുതീ തടയുന്നതിനും കാട്ടുതീ മൂലം അപകടം ഒഴിവാക്കുന്നതിനും വിനോദ സഞ്ചാരികളടക്കം ശ്രദ്ധിക്കണം. വാഹനങ്ങളില് യാത്ര ചെയ്യുമ്പോള് അസ്വാഭാവികമായ മണമോ മറ്റോ അനുഭവപ്പെട്ടാല് പരിശോധിച്ചതിനുശേഷം യാത്ര തുടരുക. വാഹനങ്ങളില് തീ പടരാതിരിക്കാനുള്ള മുന്കരുതലുകളും സ്വീകരിക്കുക.
English Summary: Summer is coming: Chief Minister wants to take precautions against fire
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.