കേരളത്തില് വീണ്ടും എസ്ഐആര് സമയം നീട്ടി നല്കി സുപ്രീംകോടതി. രണ്ട് ദിവസം കൂടി കൂട്ടി ഡിസംബര് 20 വരെയാണ് സമയം നീട്ടി നല്കിയത്. എസ്ഐആറുമായി ബന്ധപ്പെട്ട കേരളത്തിന്റെ ഹരജികള് ഇന്ന് സുപ്രീംകോടതിയുടെ പരിഗണനയില് വന്നിരുന്നു. രണ്ടാഴ്ച കൂടി സമയം നീട്ടി നല്കണമെന്നായിരുന്നു സംസ്ഥാന സര്ക്കാരിന്റെ ആവശ്യം. എന്നാല് സര്ക്കാരിന്റെ വാദത്തെ എതിര്ത്ത തെരഞ്ഞെടുപ്പ് കമ്മീഷന്, നടപടി ക്രമങ്ങള് നിരീക്ഷിച്ചു വരികയാണെന്നും ആവശ്യമെങ്കില് മാത്രം നീട്ടിനല്കാം എന്നും വിശദീകരിക്കുയായിരന്നു.
20 ലക്ഷം ഫോമുകള് ഇനിയും ലഭിക്കാനുണ്ടെന്ന് സംസ്ഥാന സര്ക്കാര് ചൂണ്ടിക്കാണിച്ചതിനെ തുടര്ന്നാണ് കോടതി സമയം നീട്ടി നല്കിയത്. നേരത്തെ കേരളത്തില് മാത്രമായി ഒരാഴ്ച സമയം തെരഞ്ഞെടുപ്പ് കമ്മീഷന് നീട്ടി നല്കിയിരുന്നു. ഇതിനുപുറമെ ഇപ്പോള് രണ്ടുദിവസം കൂടി അനുവദിച്ചിരിക്കുകയാണ് സുപ്രീംകോടതി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.