മുംബൈ ഭീകരാക്രമണക്കേസ് പ്രതി തഹാവൂര് റാണയെ എന്ഐഎ കസ്റ്റഡിയില് വിട്ടു. ഇനി 18 ദിവസം എൻഐഎ ചോദ്യം ചെയ്യും.
അതീവസുരക്ഷയില് ഇന്നലെ രാത്രി പത്തരയോടെയാണ് റാണയെ കോടതിയിലെത്തിച്ചത്. പുലര്ച്ചയോടെയാണ് കോടതി റാണയെ കസ്റ്റഡിയില് വിട്ടുകൊണ്ടുളള ഉത്തരവ് പുറപ്പെടുവിച്ചത്. 20 ദിവസത്തെ കസ്റ്റഡിയായിരുന്നു എന്ഐഎ ആവശ്യപ്പെട്ടത്. കേന്ദ്രസര്ക്കാരിനായി സ്പെഷ്യല് പബ്ലിക് പ്രോസിക്യൂട്ടര് നരേന്ദര് മാനിനെ നിയോഗിച്ചിരുന്നു.
എന്ഐഎയെ പ്രതിനിധീകരിച്ച് സീനിയര് അഭിഭാഷകന് ദയാന് കൃഷ്ണന് ഹാജരായി. ഡല്ഹി സംസ്ഥാന ലീഗല് സര്വ്വീസസ് അതോറിട്ടി ഏര്പ്പെടുത്തിയ അഭിഭാഷകന് പിയൂഷ് സച്ച്ദേവാണ് തഹാവൂര് റാണയ്ക്കുവേണ്ടി കോടതിയില് ഹാജരായത്. വ്യാഴാഴ്ച വൈകീട്ടോടെയാണ് യുഎസില് നിന്ന് പ്രത്യേക വിമാനത്തില് റാണയെ ഡല്ഹിയിലെത്തിച്ചത്. കേന്ദ്രസര്ക്കാരിന്റെ വിവിധ ഏജന്സികളടങ്ങുന്ന സംഘം കഴിഞ്ഞ കുറച്ചുദിവസങ്ങളായി യുഎസിലുണ്ടായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.