ജമ്മുവിലെ ഏറ്റവും വലിയ സൈനിക താവളമായ സുഞ്ജവാന് സൈനിക ക്യാമ്പിന് സമീപം ഭീകരര് നടത്തിയ വെടിവെപ്പില് ഒരു സൈനികന് പരിക്കേറ്റു. രാവിലെ 10 മണിക്കും 10.30 നും ഇടയിലാണ് ആക്രമണം ഉണ്ടായതെന്ന് പ്രതിരോധ വക്താവ് ലഫ്റ്റനന്റ് കേണല് സുനീല് ബര്ട്ട്വാള് പറഞ്ഞു. ക്യാംപിലെ സെന്ട്രി പോസ്റ്റിനു നേരെയാണ് ആക്രമണം ഉണ്ടായത്. 36 ഇന്ഫന്ട്രി ബ്രിഗേഡിന്റെ കാവലിലാണ് പോസ്റ്റ് ഉള്ളത്. വെടിവെപ്പിനു ശേഷം സൈനിക താവളം സീല് ചെയ്തു. സമീപ പ്രദേശങ്ങളില് ഭീകരര്ക്കായി തിരച്ചില് ആരംഭിച്ചിട്ടുണ്ട്.
നേരത്തെ 2018 ഫെബ്രുവരിയില് സുഞ്ജവാന് സൈനിക ക്യാമ്പിന് നേരെ ജെയ്ഷെ ഇ മുഹമ്മഹ് ഭീകരര് നടത്തിയ ആക്രമണത്തില് ആറ് സൈനികരും ഒരു സാധാരണക്കാരനും മൂന്ന് ഭീകരരും കൊല്ലപ്പെട്ടിരുന്നു. സൈനികരും സാധാരണക്കാരും ഉള്പ്പെടെ 20 ഓളം പേര്ക്ക് ആക്രമണത്തില് പരിക്കേറ്റു. ജമ്മു കശ്മീരിലെ കുപ്വാര ജില്ലയില് രണ്ട് വ്യത്യസ്ത ഏറ്റുമുട്ടലുകളില് മൂന്ന് ഭീകരരെ സുരക്ഷാ സേന വെടിവെച്ച് കൊന്നതിന് ഏതാനും ദിവസങ്ങള്ക്ക് ശേഷമാണ് സൈനിക ബേസ് ക്യാമ്പിന് സമീപമുള്ള ആക്രമണം. മച്ചാലില് രണ്ട് ഭീകരര് കൊല്ലപ്പെട്ടപ്പോള് താങ്ധര് സെക്ടറില് മറ്റൊരാള് കൊല്ലപ്പെട്ടു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.