രാവിലെയുള്ള അസ്സംബ്ലിക്ക് വൈകി എത്തിയെന്നാരോപിച്ച് അധ്യാപിക പെൺകുട്ടികളുടെ മുടി മുറിച്ചത് വൻ വിവാദമാകുന്നു. ആന്ധ്ര പ്രദേശിലെ അല്ലൂരി സീതാരാമരാജു ജില്ലയിലെ ഒരു സ്കൂളിലാണ് സംഭവം. റസിഡൻഷ്യൽ ഗേൾസ് സെക്കണ്ടറി സ്ക്കൂളായ കസ്തൂർബ ബാലിക വിദ്യാലയത്തിലെ അധ്യാപിക സായി പ്രസന്നയാണ് കുട്ടികളോട് ഈ ക്രൂരത കാട്ടിയത്.
വെള്ളം മുടങ്ങിയത് മൂലം രാവിലെ അസംബ്ലിക്ക് വരാൻ വൈകിയ 18 പെൺകുട്ടികളുടെ മുടി ഇവർ വെട്ടിയതായാണ് റിപ്പോർട്ട്.ഇത്കൂടാതെ പ്രസന്ന 4 പെൺകുട്ടികളെ ശാരീരികമായി ഉപദ്രവിക്കുകയും വെയിലത്ത് നിർത്തുകയും ചെയ്തതാതും ആരോപണമുണ്ട്. ഈ സംഭവം പുറത്ത് ആരോാടും പറയരുതെന്ന് ഇവർ കുട്ടികളെ ഭീഷണിപ്പെടുത്തിയതായും റിപ്പോർട്ടിൽ പറയുന്നു.
സംഭവത്തെക്കുറിച്ച് കുട്ടികൾ രക്ഷിതാക്കളോട് പരാതിപ്പെട്ടതോടെയാണ് ഇത് പുറം ലോകമറിയുന്നത്. എന്നാൽ തൻറെ നടപടികളെ ന്യായീകരിച്ച പ്രസന്ന കുട്ടികളിൽ അച്ചടക്കം വളർത്താനാണ് ഇങ്ങനെയൊക്കെ ചെയ്തതെന്നാണ് അവകാശപ്പെട്ടത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.