വളപട്ടണം പുഴയില് യുവതിയ്ക്കൊപ്പം ചാടിയ യുവാവിന്റെ മൃതദേഹം കണ്ടെത്തി. ബേക്കല് പെരിയാട്ടടുക്കം സ്വദേശിനിയായ ഭര്തൃമതിയായ യുവതിക്കൊപ്പം പുഴയില് ചാടിയ രാജേഷിന്റെ (38) മൃതദേഹമാണ് പഴയങ്ങാടി മാട്ടൂല് കടപ്പുറത്ത് കണ്ടെത്തിയത്. ബന്ധുക്കളാണ് മൃതദേഹം രാജേഷിന്റേതാണെന്ന് തിരിച്ചറിഞ്ഞത്. ബേക്കല് എസ് ഐ സവ്യ സാചിയയുടെ നേതൃത്വത്തിലുള്ള പൊലീസ് സംഘം സ്ഥലത്തെത്തി മൃതദേഹം പോസ്റ്റുമോര്ട്ടത്തിനായി പരിയാരത്തെ മെഡിക്കല് കോളജ് ആശുപത്രി മോര്ച്ചറിയിലേക്ക് മാറ്റിയത്.
ഞായറാഴ്ച രാവിലെയാണ് രാജേഷിനേയും ഭര്തൃമതിയായ യുവതിയേയും പെരിയാട്ടടുക്കത്തില് നിന്നും കാണാതായത്. ബേക്കല് പൊലീസ് കേസെടുത്ത് അന്വേഷണം നടത്തുന്നതിനിടെയാണ് രാത്രി ഇരുവരും വളപട്ടണം പുഴയില് ചാടിയ വിവരം ലഭിച്ചത്. അതേസമയം രാജേഷിനെ ഒഴുക്കില്പെട്ട് കാണാതാകുകയും യുവതി നീന്തി രക്ഷപ്പെടുകയുമായിരുന്നു.
ബേക്കല് പൊലീസ് എത്തി യുവതിയെ ചോദ്യം ചെയ്തു. ഞായറാഴ്ച രാവിലെ വീട്ടില് നിന്നും ഇറങ്ങിയ ഇരുവരും പള്ളിക്കര റെയില്വേ സ്റ്റേഷനില് നിന്നും ട്രെയിന് മാര്ഗം വളപട്ടണത്ത് എത്തുകയും. അന്ന് രാത്രി 12 മണിയോടെയാണ് രാജേഷും യുവതിയും പുഴയില് ചാടിയത്. കോടതിയില് ഹാജരാക്കിയ യുവതിയെ സ്വന്തം ഇഷ്ടത്തിന് വിടുകയും ഭര്ത്താവിനൊപ്പം മടങ്ങുകയും ചെയ്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.