റാന്നി കുറുമ്പൻമുഴിയിൽ നിന്ന് കണ്ടെത്തിയ പതിനെട്ടു ദിവസം മാത്രം പ്രായമുള്ള കുട്ടിയാന ചെരിഞ്ഞു. തിരുവനന്തപുരം കോട്ടൂർ ആന പരിപാലന കേന്ദ്രത്തിലേക്ക് എത്തിച്ചപ്പോഴാണ് കുട്ടിയാന ചെരിഞ്ഞത്. അണുബാധ കാരണമാണെന്ന് സംശയിക്കുന്നു. പ്രസവശേഷം അമ്മയാന ഉപേക്ഷിച്ചുപോയ കുട്ടിയാനയെ വനം വകുപ്പ് ഉദ്യോഗസ്ഥരാണ് പരിപാലിച്ചുപോന്നത്.
കുറുമ്പന്മുഴിയില് റബ്ബര് തോട്ടത്തിലെ ചെരിവിലാണ് ആന പ്രസവിച്ചത്. ഉയര്ന്ന പ്രദേശത്തു നിന്ന് കുട്ടിയാന താഴേക്ക് വീഴുകയായിരുന്നു. തള്ളയാന ഉപേക്ഷിച്ചുപോയി മണിക്കൂറുകള്ക്കുള്ളില് തന്നെ കുട്ടിയാനയെ റാന്നിയിലെ ആര്ആര്ടി ഓഫിസിന് സമീപത്തേക്ക് മാറ്റിയിരുന്നു. കോട്ടൂര് ആന പരിപാലന കേന്ദ്രത്തിലേക്ക് ഇന്ന് പുലര്ച്ചെയാണ് എത്തിച്ചത്.
പ്രസവിച്ചയുടൻ അമ്മയിൽ നിന്ന് വേർപെട്ടുപോയ കുഞ്ഞിന് ബീറ്റ് ഓഫീസർ നിതിനും വാച്ചർ ജോസഫുമൊക്കെയാണ് കരുതൽ നല്കിയിരുന്നത്. ഡോക്ടർമാര് നിർദേശിക്കും പോലെയായിരുന്നു ആനക്കുട്ടിയുടെ ഭക്ഷണരീതി. ഒന്നരമണിക്കൂർ ഇടവിട്ട് പാല് കുടിപ്പിച്ചും, ഇളം വെയിൽ കൊള്ളിച്ചുമാണ് പരിപാലിച്ചത്. ലാക്ടോജനാണ് കൊടുത്തിരുന്നത്. ഉറക്കത്തിൽ നിന്ന് ഞെട്ടിയെഴുന്നേറ്റാൽ ആരെയും കണ്ടില്ലെങ്കിൽ വിളിയും ബഹളവുമൊക്കെയായിട്ടുള്ള കുട്ടിക്കൊമ്പന്റെ വീഡിയോ അടുത്തിടെ പുറത്തുവന്നിരുന്നു.
English Summary; The branch of the child, abandoned by his mother, fell
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.