സംസ്ഥാന സ്കൂൾ കായികമേളയിലെ ഓവറോൾ ചാമ്പ്യന്മാർക്ക് നൽകാനുള്ള ചീഫ് മിനിസ്റ്റേഴ്സ് സ്വർണ കപ്പിന്റെ പ്രചാരണ ഉദ്ഘാടനം വ്യാഴാഴ്ച രാവിലെ നീലേശ്വരം ഇ എം എസ് സ്റ്റേഡിയത്തിൽ നടന്നു. കാസർകോട് നിന്നും രാവിലെ ഒമ്പതോടെ കപ്പ് സ്റ്റേഡിയത്തിലെത്തി. 
എം രാജഗോപാലൻ എം എൽ എ യിൽ നിന്നും പരീക്ഷാഭവൻ ജോയിൻ്റ് കമ്മീഷണർ ഡോ.ഗിരീഷ് ചോലയിൽ കപ്പ് ഏറ്റുവാങ്ങി. ജില്ല പഞ്ചായത്ത് പ്രസിഡൻ്റ് പി ബേബി അധ്യക്ഷയായി. ബിജുരാജ്, ടി ആർ പ്രീതി മോൾ, ഡോ. കെ രഘുരാമഭട്ട്, അനിൽ ബങ്കളം തുടങ്ങിയവർ സംസാരിച്ചു. ഡി ഡി ഇ പി സവിത സ്വാഗതവും പി മോഹനൻ നന്ദിയും പറഞ്ഞു. നീലേശ്വരത്തു നിന്നും പ്രചാരണമാരംഭിച്ച് വിവിധ ജില്ലകളിലെ പ്രദർശനത്തിനു ശേഷം തിരുവനന്തപുരത്തെത്തിക്കും. സംസ്ഥാന കായിക മേളയിൽ ഓവറോൾ ചാമ്പ്യന്മാരാകുന്ന ജില്ലാ ടീമിന് മുഖ്യമന്ത്രിയുടെ പേരിലുള്ള എവർ റോളിങ് ട്രോഫി സമ്മാനിക്കും. തിരുവനന്തപുരത്തെ പി മാധവൻ തമ്പി ആൻഡ് സൺസണാണ്
2 ലക്ഷം രൂപ ചെലവിട്ട് മൂന്നര കിലോ ഭാരമുള്ള വെങ്കല ട്രോഫി രൂപകൽപന ചെയ്തത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.