പ്രായപൂർത്തിയാകാത്ത സ്വന്തം മകളെ ബലാത്സംഗം ചെയ്ത കേസിൽ കുറ്റക്കാരനായ പിതാവിന് വധശിക്ഷ വിധിച്ച് കോടതി. ഹരിയാനയിലെ പൽവാലിൽ ഫാസ്റ്റ് ട്രാക്ക് കോടതിയാണ് പിതാവിനെ വധശിക്ഷയ്ക്ക് വിധിച്ചത്.
2020 ഒക്ടോബർ മുതലാണ് തന്നെ പിതാവ് ക്രൂരബലാത്സംഗത്തിനിരയാക്കാന്‍ ആരംഭിച്ചതെന്നും പിന്നീട് തുടര്‍ച്ചയായി മൂന്ന് വര്‍ഷം പിതാവ് തന്നെ നിരന്തരമായി ബലാത്സംഗത്തിനിരയാക്കിതായും പതിനഞ്ചുകാരി പൊലീസിന് നല്‍കിയ പരാതിയില്‍ പറയുന്നു.
2020 ഒക്ടോബർ മൂന്നിനാണ് പ്രതിയെ പിടികൂടിയതെന്ന് അഭിഭാഷകൻ കുമാർ പറഞ്ഞു.
കേസില്‍ എഫ്‌ഐആർ രജിസ്റ്റർ ചെയ്യുമ്പോൾ പെണ്‍കുട്ടി നാല് മാസം ഗർഭിണിയായിരുന്നുവെന്നും പിന്നീട് പെൺകുട്ടിക്ക് ജന്മം നൽകിയെന്നും രക്തസാമ്പിളിൽ നിന്നുള്ള ഡിഎൻഎ പ്രതിയുടേതുമായി പൊരുത്തപ്പെടുന്നുണ്ടെന്നും അദ്ദേഹം അറിയിച്ചു.
കുറ്റം കണ്ടെത്തിയതിനുപിന്നാലെ പ്രതിയെ മരണംവരെ തൂക്കിക്കൊല്ലാനും 15000 രൂപ പിഴ ഈടാക്കുന്നതിനും വിധിച്ചിട്ടുണ്ടെന്നും പെണ്‍കുട്ടിക്ക് 7.5 ലക്ഷം രൂപ നഷ്ടപരിഹാരം നൽകാനും കോടതി വിധിച്ചു.
English Summary; The daughter was repeatedly raped and made pregnant for several years; Father sentenced to death
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.