അനന്തപുരി എഫ്എം നിർത്താനുള്ള തീരുമാനം പിൻവലിക്കണം എന്ന് ആവശ്യപ്പെട്ടുകൊണ്ട് വിദ്യാഭ്യാസമന്ത്രി വി ശിവൻകുട്ടി കേന്ദ്ര വാർത്താവിനിമയ പ്രക്ഷേപണ മന്ത്രി അനുരാഗ് ഠാക്കൂറിനും പ്രസാർഭാരതി ചീഫ് എക്സിക്യൂട്ടീവ് ഓഫിസർ ഗൗരവ് ദ്വിവേദിക്കും കത്തയച്ചു. അനന്തപുരി എഫ്എമ്മിന്റെ ചരിത്രപരമായ പ്രാധാന്യം മന്ത്രി കത്തിൽ ചൂണ്ടിക്കാട്ടി.
വർഷങ്ങളായി ദശലക്ഷക്കണക്കിന് ശ്രോതാക്കളുടെ ജീവിതത്തിന്റെ അവിഭാജ്യ ഘടകമാണ് ഈ റേഡിയോ സ്റ്റേഷൻ. ഒരു വിനോദ മാധ്യമമായി മാത്രമല്ല, മൂല്യവത്തായ വിവരങ്ങൾ, സാംസ്കാരിക സംരക്ഷണം, സാമൂഹിക ഇടപഴകൽ എന്നിവയുടെ ഉറവിടമായും എഫ്എം പ്രവർത്തിച്ചിട്ടുണ്ട്. അനന്തപുരി എഫ്എം അടച്ചുപൂട്ടുന്നതിന്റെ അനന്തര ഫലങ്ങളിലൊന്ന് നിരവധി ജോലികൾ നഷ്ടപ്പെടുന്നതാണ്. എഫ്എം അടച്ചുപൂട്ടുകയാണെങ്കിൽ അവരുടെ ഉപജീവനമാർഗത്തെ സാരമായി ബാധിക്കും.
ചരിത്രപരമായ പ്രാധാന്യവും വലിയ ശ്രോതാക്കളുടെ അടിത്തറയും ഉപജീവനമാർഗത്തിലുള്ള ആഘാതവും കണക്കിലെടുത്ത് അനന്തപുരി എഫ്എം നിർത്താനുള്ള തീരുമാനം പിൻവലിക്കാനുള്ള അടിയന്തര നടപടികൾ കൈക്കൊള്ളണമെന്ന് മന്ത്രി കത്തിലൂടെ ആവശ്യപ്പെട്ടു.
English Summary: The decision to stop Ananthapuri FM should be withdrawn; Minister V Sivankutty has sent a letter
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.