അരവിന്ദ് കെജ്രിവാളിനെ മുഖ്യമന്ത്രി സ്ഥാനത്തു നിന്നും നീക്കണമെന്ന് ആവശ്യപ്പെട്ട് സമര്പ്പിച്ച ഹര്ജി ഡല്ഹി ഹൈക്കോടതി തള്ളി. നിലവിലെ സാഹചര്യത്തില് മുഖ്യമന്ത്രി സ്ഥാനത്തു നിന്നും നീക്കാന് ചട്ടമില്ലെന്ന് കോടതി പറഞ്ഞു. ഇക്കാര്യത്തില് ജുഡീഷ്യല് ഇടപെടല് ആവശ്യമില്ലെന്നും ഹൈക്കോടതി വ്യക്തമാക്കി. സാമ്പത്തിക അഴിമതി കേസില് അറസ്റ്റിലായ കെജ്രിവാളിനെ മുഖ്യമന്ത്രി സ്ഥാനത്തു നിന്നും നീക്കണമെന്ന് ആവശ്യപ്പെട്ട് ഡല്ഹി സ്വദേശിയായ സുര്ജിത് സിങ് യാദവ് ആണ് പൊതുതാല്പ്പര്യ ഹര്ജിയുമായി ഡല്ഹി ഹൈക്കോടതിയെ സമീപിച്ചത്.
ആക്ടിങ് ചീഫ് ജസ്റ്റിസ് മന്മോഹന്റെ അധ്യക്ഷതയിലുള്ള ബെഞ്ചാണ് ഹര്ജി പരിഗണിച്ചത്. ഇതില് ജുഡീഷ്യല് ഇടപെടലിന് എന്തെങ്കിലും സാധ്യതയുണ്ടോ എന്ന് ജസ്റ്റിസ് മന്മോഹന് ചോദിച്ചു.
വിഷയത്തില് ഗവര്ണറും രാഷ്ട്രപതിയുമാണ് തീരുമാനമെടുക്കേണ്ടത്. എക്സിക്യൂട്ടീവ് തലത്തില് തീരുമാനമെടുക്കേണ്ട വിഷയമാണിതെന്നും ജുഡീഷ്യല് ഇടപെടല് ആവശ്യമില്ല. അതിനാല് കോടതി ഉത്തരവ് പുറപ്പെടുവിക്കാന് ആഗ്രഹിക്കുന്നില്ലെന്നും ആക്ടിങ് ചീഫ് ജസ്റ്റിസ് അഭിപ്രായപ്പെട്ടു.
English Summary:The Delhi High Court rejected the plea seeking Kejriwal’s removal from the post of Chief Minister
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.