ഗുരുവായൂര് ആനക്കോട്ടയിലെ ആനകളെ ക്രൂരമായി മര്ദ്ദിച്ച് പാപ്പാന്മാര്. ശീവേലിപ്പറമ്പില് കുളിപ്പിക്കുന്നതിനായി കൊണ്ടു വന്ന കൃഷ്ണ, കേശവൻ കുട്ടി എന്നീ ആനകളെ മര്ദ്ദിക്കുന്നതിന്റെ ദൃശ്യങ്ങള് പുറത്തുവന്നു. ഒരു മാസം മുമ്പാണ് സംഭവം ഉണ്ടായതെന്നാണ് വിവരം. മൂന്നു ദൃശ്യങ്ങള് കൂട്ടിയിണക്കി ഒറ്റ ആനയെ തല്ലുന്നു എന്നപേരിലാണ് മര്ദനത്തിന്റെ വീഡിയോ പ്രചരിച്ചിരുന്നത്. സംഭവത്തില് പാപ്പാന്മാരെ സസ്പെൻഡ് ചെയ്തതായാണ് വിവരം.
കുളിക്കാന് കിടക്കാന് കൂട്ടാക്കാത്തതിനായിരുന്നു മര്ദ്ദനം. കേശവന് കുട്ടിയെ തല്ലി എഴുനേല്പ്പിക്കുന്നതാണ് ദൃശ്യങ്ങളിലുള്ളത്. മൂന്നാമത്തെ ദൃശ്യം കാലിന് സ്വാധീനക്കുറവുള്ള ഗജേന്ദ്ര എന്ന ആന നടക്കുന്നതാണ്. ഒരു മാസം മുമ്പത്തെ ദൃശ്യങ്ങളെന്നാണ് ആനക്കോട്ടയുടെ വിശദീകരണം. പിന്നാലെ ഗുരുവായൂര് ദേവസ്വം അന്വേഷണത്തിന് നിര്ദ്ദേശവും നല്കി. ആനക്കോട്ടയിലെത്തി ഡോക്ടര്മാര് ആനകളെ പരിശോധിച്ച് റിപ്പോര്ട്ട് നല്കിയിട്ടുണ്ട്.
English Summary: The elephants were brutally beaten
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.