രാജസ്ഥാനിലെ കൊട്പുത്ലിയിൽ കുഴൽക്കിണറിൽ വീണ മൂന്നു വയസുകാരിക്ക് വേണ്ടിയുള്ള രക്ഷാപ്രവർത്തനം അഞ്ചാം ദിവസവും പുരോഗമിക്കുന്നു. അതേ സമയം രക്ഷാപ്രവർത്തനത്തിൽ അധികാരികൾ വീഴ്ച വരുത്തിയതായി കുട്ടിയുടെ കുടുംബം ആരോപിച്ചു. രക്ഷാപ്രവർത്തനം വേഗത്തിലാക്കണമെന്ന് കുട്ടിയുടെ മാതാവ് ദോൾ ദേവി അധികൃതരോട് ആവശ്യപ്പെട്ടിട്ടുണ്ട്. രക്ഷാപ്രവർത്തനം സംബന്ധിച്ച വിവരം കളക്ടർ നേരിട്ട് അറിയിക്കുമെന്ന് അധികാരികൾ പറഞ്ഞിരുന്നെങ്കിലും കളക്ടറുടെ ഭഗത്ത് നിന്നും യാതൊരു നടപടിയുമുണ്ടായില്ലെന്നും കുടുംബം കുറ്റപ്പെടുത്തി.
പിതാവിന്റെ കൃഷിയിടത്തിലെത്തിയ ചേതന എന്ന കുട്ടിയാണ് 700 അടിയോളം താഴ്ചയുള്ള കിണറിൽ വീണത്. തിങ്കളാഴ്ചയായിരുന്നു സംഭവം. ആദ്യം 15 അടിയോേളം താഴ്ചയിൽ കുടുങ്ങിക്കിടന്ന കുട്ടി വീട്ടുകാർ രക്ഷിക്കാൻ ശ്രമിക്കുന്നതിനിടെ കൂടുതൽ താഴ്ചയിലേക്ക് വീഴുകയായിരുന്നു. കനത്ത മഴയെത്തുടര്ന്ന് തടസപ്പെട്ട രക്ഷാപ്രവര്ത്തനം ഇന്നലെ വീണ്ടും പുനരാരംഭിച്ചു. രക്ഷാപ്രവര്ത്തനത്തിലുണ്ടായ കാലതാമസം വന് വിമര്ശനത്തിന് ഇടയാക്കിയിരുന്നു. രക്ഷാപ്രവര്ത്തനം സുഗമമാക്കാന് ഓക്സിജന് പൈപ്പ്, കാമറ, ഫാന്, ലൈറ്റ് തുടങ്ങിയ സാമഗ്രികള് കുഴല്ക്കിണറിലേക്ക്
ഇറക്കിയിട്ടുണ്ട്. അധികം വൈകാതെ കുട്ടിയെ പുറത്തെടുക്കാന് കഴിയുമെന്ന് പ്രതീക്ഷിക്കുന്നതായി അധികൃതര് പറഞ്ഞു.
A tipper lorry loaded with soil in Tiruvalla met a tragic end for a scooter rider.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.