കൂത്താളി വൊക്കേഷണൽ ഹയർ സെക്കൻ്ററി സ്കൂൾ ഗ്രൗണ്ടിൽ കുട്ടികൾ കളിക്കുന്നതിനിടെ കാർ ഓടിച്ചു കയറ്റി അഭ്യാസപ്രകടനം നടത്തിയ 16കാരനെതിരെ പൊലീസും മോട്ടോർ വാഹന വകുപ്പും കർശന നടപടി സ്വീകരിച്ചു. ഈ സംഭവത്തിൽ എം വി ഡി കാറിൻ്റെ ആർ സി സസ്പെൻഡ് ചെയ്യുമെന്ന് അറിയിച്ചു. നിയമപ്രകാരം, 16കാരന് 25 വയസുവരെ ലൈസൻസ് നൽകില്ല എന്നും എം വി ഡി വ്യക്തമാക്കി. വാഹനം പൊലീസ് കസ്റ്റഡിയിൽ എടുത്തിരിക്കുകയാണ്.
ഉപജില്ലാ കലോത്സവമായതിനാൽ സ്കൂളിന് അവധിയായിരുന്ന ഇന്നലെ രാവിലെ പത്തരയോടെ ഗ്രൗണ്ടിൽ പരിശീലനം നടത്തുകയായിരുന്ന ഫുട്ബോൾ ടീം അംഗങ്ങൾക്കിടയിലേക്കാണ് വളരെ വേഗത്തിലെത്തിയ കാർ ഓടിച്ചു കയറ്റിയത്. കുട്ടികൾ രണ്ടും മൂന്നും തവണ ഓടി മാറിയതുകൊണ്ട് മാത്രമാണ് കാറിടിക്കാതെ രക്ഷപ്പെട്ടതെന്ന് പുറത്തുവന്ന ദൃശ്യങ്ങളിൽ കാണാം. തുടർന്ന് സ്കൂളിലെ അധ്യാപകരാണ് പൊലീസിൽ പരാതി നൽകിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.