നയപരമായ കാര്യങ്ങള് ഘടകപാര്ട്ടികളെ അറിയിക്കാത്തതിന്റെ യുക്തി മനസിലാകുന്നില്ലെന്നും സിപിഐയെ ഇരുട്ടിൽ നിർത്തി തീരുമാനമെടുക്കാനാകില്ലെന്നും സിപിഐ സംസ്ഥാന സെക്രട്ടറി ബിനോയ് വിശ്വം. പിഎം ശ്രീയെക്കുറിച്ച് സിപിഐ ഇരുട്ടിലാണെന്നും അദ്ദേഹം പറഞ്ഞു.എൻഇപിയെ ഷോക്കേസ് ചെയ്യാനുള്ള പദ്ധതിയെങ്കിൽ ഇതെങ്ങനെ മുന്നോട്ട്. പോകും?. സിപിഐക്ക് മാത്രമല്ല സിപിഐ എമ്മിനും ആശങ്കയുണ്ട്. പ്രതീക്ഷയുടെ പക്ഷമാണ് ഇടതുപക്ഷം. പാഠ്യപദ്ധതിയെ പോലും സ്വാധീനിക്കുന്നതാണിത്. ശിവൻകുട്ടി സഖാവും സുഹൃത്തുമാണ്. ഇടതുപക്ഷ നേതാവിന്റെ ഭാഷയിൽ ഇപ്പോള് പ്രതികരിച്ചിട്ടുണ്ട്.
അസ്വാഭാവിക തിരക്കോടെ, ചർച്ചയോ ആലോചനയോ നയപരമായ തീരുമാനമോ ഇല്ലാതെ ഒരു ഉദ്യോഗസ്ഥ ഡൽഹിയിൽ പോയി ഒപ്പുവക്കുന്നു. സർക്കാരിന് കാര്യം ബോധ്യപ്പെട്ടേ തീരൂവെന്ന് പറഞ്ഞ ബിനോയ് വിശ്വം ശിവൻകുട്ടിയെ വിശ്വാസത്തിലെടുക്കുന്നുവെന്നും വ്യക്തമാക്കി. പിഎം ശ്രീയെക്കുറിച്ച് ഇന്നലെ വൈകുന്നേരം മുതല് നാമെല്ലാവരും അറിയുന്നുണ്ട്. പത്രവാര്ത്തകളല്ലാതെ പിഎം ശ്രീയെക്കുറിച്ചുള്ള എംഒയു എന്താണെന്നോ, ഇതില് ഒപ്പിടുമ്പോള് കേരളത്തിന് കിട്ടിയ വാഗ്ദാനമെന്താണെന്നോ ഉള്ള കാര്യങ്ങൾ അവ്യക്തമാണ്. സിപിഐക്ക് മാത്രമല്ല, എല്ഡിഎഫിലെ ഓരോ പാര്ട്ടിക്കും അത് അറിയാനുള്ള അവകാശമുണ്ടെന്നും അദ്ദേഹം പറഞ്ഞു.
അഞ്ചോ പത്തോ കൊല്ലം ഭരിക്കാൻ മാത്രമുള്ള മുന്നണിയല്ല എൽഡിഎഫ്. ബദൽ കാഴ്ചപ്പാടും പരിപാടിയും ആണ് എൽഡിഎഫിന്റെ മഹത്വം. ഗൗരവമായ വിഷയത്തിൽ എംഒയു ഒപ്പിടുമ്പോൾ മന്ത്രിസഭയിലെ മന്ത്രിമാർക്കും ഇക്കാര്യത്തിൽ അറിവില്ലായിരുന്നു. രണ്ട് തവണ മന്ത്രിസഭയിൽ വന്നു, നയപരമായ തീരുമാനത്തിന് മാറ്റി വച്ച വിഷയം ആണിത്. പിന്നീട് ഒരിക്കലും എൽഡിഎഫിൽ ചർച്ചക്ക് വന്നില്ല. ഒപ്പിട്ടത് വാർത്ത കണ്ടപ്പോള് അന്വേഷിച്ചു, വാർത്ത ശരിയാണെന്ന് മനസിലായി. കേൾക്കുന്ന വാർത്ത ശരിയെങ്കിൽ മുന്നണി മര്യാദയുടെ ലംഘനം എന്ന് ഇന്നലെ പറഞ്ഞു. മുന്നണി മര്യാദയുടെ ലംഘനം തന്നെയെന്ന് ആവർത്തിച്ച് പറയുന്നുവെന്നും ബിനോയ് വിശ്വം കൂട്ടിച്ചേർത്തു.
ഇന്നത്തെ ഇന്ത്യന് രാഷ്ട്രീയത്തില് നിയതമായ ദൗത്യം ഇന്നത്തെ ഇന്ത്യന് രാഷ്ട്രീയത്തില് നിയതമായ ദൗത്യം പൂര്ത്തീകരിക്കാന് കടപ്പെട്ട രാഷ്ട്രീയ പക്ഷമാണ്. ആ ദൗത്യത്തിന്റെ കാതലാണ് ഇടതുപക്ഷ ജനാധിപത്യ ബദല്. ആ ബദലിന് ആവശ്യമായ പരിപാടി എല്ഡിഎഫിനെ വ്യത്യസ്തമാക്കുന്നു. അതാണ് എല്ഡിഎഫിന്റെ മഹത്വം. ആ മഹത്വത്തിന്റെ എല്ലാ അര്ത്ഥങ്ങളും ആരെക്കാളും അറിയാവുന്ന പാര്ട്ടിയാണ് സിപിഐ. പൂര്ത്തീകരിക്കാന് കടപ്പെട്ട രാഷ്ട്രീയ പക്ഷമാണ്. ആ ദൗത്യത്തിന്റെ കാതലാണ് ഇടതുപക്ഷ ജനാധിപത്യ ബദല്. ആ ബദലിന് ആവശ്യമായ പരിപാടി എല്ഡിഎഫിനെ വ്യത്യസ്തമാക്കുന്നു. അതാണ് എല്ഡിഎഫിന്റെ മഹത്വം. ആ മഹത്വത്തിന്റെ എല്ലാ അര്ത്ഥങ്ങളും ആരെക്കാളും അറിയാവുന്ന പാര്ട്ടിയാണ് സിപിഐയെന്നും അദ്ദേഹം പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.