ഭാരത മാതാവിന്റെ പ്രതീകം ഭാരതത്തിന്റെ ദേശീയ പതാകയാണെന്ന് പ്രഖ്യാപിച്ചുകൊണ്ട് എല്ലാ ബ്രാഞ്ചുകളിലും ജൂണ് 7 ന് ദേശീയ പതാക ഉയര്ത്തി
അതിനു മുമ്പിൽ വൃക്ഷത്തൈകള് നടണമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം ആഹ്വാനം ചെയ്തു. ആ തൈകള് ദേശീയ ഐക്യത്തിന്റെ വൃക്ഷങ്ങളായി പരിപാലിച്ച് വളര്ത്താനും പാര്ട്ടി ഘടകങ്ങള് മുന്കൈയെടുക്കണമെന്ന് സംസ്ഥാന സെക്രട്ടറി പാര്ട്ടി ബ്രാഞ്ചുകളോട് നിര്ദേശിച്ചു.
ഭാരതമാതാ സങ്കല്പത്തെ ഭരണഘടനയ്ക്ക് നിരക്കാത്ത വിധം ദേശവിരുദ്ധ ആശയങ്ങളുടെ പ്രചരണത്തിനായി ഉത്തരവാദപ്പെട്ട കേന്ദ്രങ്ങള് ഉപയോഗിക്കാന് ശ്രമിക്കുന്ന പശ്ചാത്തലത്തില് ആണ് ഈ ക്യാമ്പയിന്. ജനാധിപത്യത്തോടും മതേതരത്വത്തോടും ഭരണഘടനാ മൂല്യങ്ങളോടും പ്രതിബദ്ധതയുള്ള എല്ലാ ദേശാഭിമാനികളെയും ഈ ക്യാമ്പയിനില് സഹകരിപ്പിക്കാന് പാര്ട്ടി ഘടകങ്ങള് ശ്രദ്ധിക്കണമെന്നും സിപിഐ സംസ്ഥാന സെക്രട്ടറി ആഹ്വാനം ചെയ്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.