സോളാര് കേസ് അന്വേഷണ ഉദ്യോഗസ്ഥനായിരുന്നു റിട്ട. ഡിവൈഎസ്പി കെ ഹരികൃഷ്ണന് ട്രെയിന് തട്ടി മരിച്ച നിലയില്. കായംകുളം രാമപുരത്തെ റയില്വേ ലെവല് ക്രോസില് നിന്നാണ് ഹരികൃഷ്ണന്റെ മൃതദേഹം കണ്ടെത്തിയത്. വെള്ളിയാഴ്ച രാത്രി പന്ത്രണ്ടരയോടെ മൃതദേഹം കണ്ടെത്തിയിരുന്നു. അതേസമയം ആളെ തിരിച്ചറിഞ്ഞത് ഇന്ന് രാവിലെയാണ്.
റെയില്വേ ട്രാക്കിന് സമീപം നിര്ത്തിയിട്ടിരുന്ന ഇദ്ദേഹത്തിന്റെ കാറില് നിന്ന് ഒരു കുറിപ്പും കണ്ടെടുത്തിട്ടുണ്ട്.
പെരുമ്പാവൂര് ഡിവൈഎസ്പിയായിരുന്ന ഹരികൃഷ്ണന് സോളാര് കേസ് അന്വേഷണ ഉദ്യോഗസ്ഥനായിരുന്നു. അന്വേഷണവുമായി ബന്ധപ്പെട്ട് നിരവധി ആരോപണങ്ങള് ഹരികൃഷ്ണനെതിരെ ഉണ്ടായിരുന്നു. ഇതുമായി ബന്ധപ്പെട്ട് അനധികൃതമായി സ്വത്ത് സമ്പാദിച്ചെന്ന പരാതിയില് വിജിലന്സ് കേസും ഇദ്ദേഹത്തിനെതിരെ ഉണ്ട്. ഹരികൃഷ്ണന് താമസിക്കുന്ന ഫ്ളാറ്റിലും കായംകുളത്തും ഹരിപ്പാടുമുള്ള വീടുകളിലും വിജിലന്സ് റെയ്ഡും നടന്നിരുന്നു.
English Summary: The officer who investigated the solar case was hit by a train and died: a note was also found
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.