കളിക്കാവിളയില് കൊലചെയ്യപ്പെട്ട തിരുവനന്തപുരം കരമനസ്വദേശിയും ക്വാറി ഉടയമയുമായ ദീപുവിന്റെ അടുത്ത സുഹൃത്താണ് കൊലപാതകത്തില് അറസ്റ്റിലായ അമ്പിളി എന്ന സജികുമാറെന്ന് പൊലീസ്. നേമം ചൂഴാറ്റകോട്ട സ്വദേശിയും നിരവധി ക്രിമിനല് കേസ്സുകളില് പ്രതിയുമാണ് ആക്രി വ്യാപാരിയായ സജികുമാര്. പ്രതി കുറ്റം സമ്മതിച്ചെങ്കിലും പണം സംബന്ധിച്ച് വ്യക്തമായ ഉത്തരം നല്കിയിട്ടില്ല.
കൊലപാതകത്തിന് ശേഷം മുങ്ങിയ പ്രതി അമ്പിളിയെ തമിഴ്നാട് പൊലീസാണ് അറസ്റ്റ് ചെയ്തത്. കൊല്ലപ്പെട്ട ദീപുവിന്റെ സ്ഥിരം ഡ്രൈവറുടേയും ക്രഷര് യൂണിറ്റിലെ അടുത്ത സുഹൃത്തുക്കളുടേയും മൊഴി പൊലീസ് രേഖപ്പെടുത്തിരുന്നു. ഇതില് നിന്നും ദീപുവും പ്രതി അമ്പിളിയും അടുത്ത സൗഹൃദം പുലര്ത്തിയിരുന്നു എന്നാണ് മനസ്സിലായത് എന്ന് പൊലീസ് സൂചിപ്പിച്ചു.അമ്പിളി എന്ന സജികുമാര് നേരത്തെ ഗുണ്ടാ നേതാവായിരുന്നു. പിന്നീട് ശാരീരിക പ്രശ്നങ്ങളെത്തുടര്ന്ന് ഗുണ്ടാപ്പണി നിര്ത്തി. സജികുമാരിന്റെ വീട്ടുകാര്യങ്ങള്ക്കടക്കം ദീപു പണം നല്കി സഹായിച്ചിരുന്നുവെന്നും പൊലീസ് അന്വേഷണത്തില് കണ്ടെത്തി. സുഹൃത്തായ ദീപുവിനെ എന്തിനാണ് അമ്പിളി കൊലപ്പെടുത്തിയതെന്ന കാര്യത്തില് തമിഴ്നാട് പൊലീസ് ആശയക്കുഴപ്പത്തിലാണ്.
ഇക്കാര്യത്തില് അമ്പിളിയുടെ മൊഴി പൊലീസ് പൂര്ണമായും വിശ്വാസത്തിലെടുത്തിട്ടില്ല.ഒറ്റയ്ക്കാണ് കൊലപാതകം നടത്തിയതെന്നാണ് പ്രതി അമ്പിളി പൊലീസിനോട് പറഞ്ഞത്. എന്നാല് മധ്യവയസ്കനും ശാരീരികമായി അവശതകളുമുള്ള പ്രതിക്ക് ആരോഗ്യവാനായ ദീപുവിനെ ഒറ്റയ്ക്ക് കൊലപ്പെടുത്താന് കഴിയില്ലെന്നും തമിഴ്നാട് പൊലീസ് വിലയിരുത്തുന്നു. ചോദ്യം ചെയ്യലില് അമ്പിളി മൊഴി മാറ്റി മാറ്റി പറയുകയാണ്.
പണം എവിടെ എന്നതിലും വ്യക്തമായ മൊഴി നല്കിയിട്ടില്ല. കൊലപാതകത്തിന് പിന്നില് ക്വട്ടേഷന് ഉണ്ടാകാമെന്നാണ് പൊലീസ് സംശയിക്കുന്നത്. പ്രതിയുടെ മൊഴിയില് ദുരൂഹതയുണ്ടെന്ന് പൊലീസ് സൂചിപ്പിച്ചു.കഴിഞ്ഞദിവസമാണ് ദീപുവിനെ (45) കാറിനുള്ളില് കഴുത്ത് മുറിഞ്ഞ് മരിച്ച നിലയില് കണ്ടെത്തിയത്. മൃതദേഹം കണ്ട കാറില് നിന്ന് ഒരാള് ഇറങ്ങിപ്പോകുന്ന സിസിടിവി ദൃശ്യങ്ങള് കഴിഞ്ഞ ദിവസം പുറത്തുവന്നിരുന്നു. ഇതിന്റെ അടിസ്ഥാനത്തില് കന്യാകുമാരി എസ്പി സുന്ദര വദനത്തിന്റെ നേതൃത്വത്തിലുള്ള സ്പെഷ്യല് ടീം അംഗങ്ങള് നടത്തിയ അന്വേഷണത്തിലാണ് പ്രതിയെ പിടികൂടിയത്. തെര്മോകോള് കട്ടര് ഉപയോഗിച്ചാണ് പ്രതി കൊലപാതകം നടത്തിയതെന്നാണ് റിപ്പോര്ട്ടുകള്.
English Summary:
The police said that Ambili alias Sajikumar, who was arrested, is a close friend of Deepu who was killed in a match
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.