നാട് നേരിടുന്ന പ്രശ്നങ്ങള് അതിജീവിക്കാനാകണമെന്നും ഇതിനായി യുവജനങ്ങള് മുന്നിട്ടിറങ്ങണമെന്നും മുഖ്യമന്ത്രി പിണറായി വിജയന്. വിദ്യാര്ത്ഥികളുമായി മുഖ്യമന്ത്രി നേരിട്ട് നടത്തുന്ന സംവാദന പരിപാടിയായ മുഖാമുഖം പരിപാടിയില് തലസ്ഥാനത്ത് സംസാരിക്കുകയായിരുന്നു മുഖ്യമന്ത്രി പിണറായി വിജയന്പാര്ലമെന്ററി ചരിത്രത്തിലെ പുതിയ ഏടായിരുന്നു നവകേരള സദസ്സ്.
ആദ്യ യോഗത്തില് വിദ്യാഭ്യാസ മേഖലയ്ക്കൊപ്പം പൊതുവായി കേരളം എങ്ങനെ ഉയര്ന്നുവരണം എന്നതിനെക്കുറിച്ച് ഒട്ടേറെ നിര്ദ്ദേശങ്ങള് ഉയര്ന്നുവന്നു. ഇന്ന് നമ്മള് നേരിടുന്ന പ്രശ്നങ്ങളെ ഏത് രീതിയില് അതിജീവിക്കണം എന്നതിനെ കുറച്ച് ധാരണയുള്ളവരായിരിക്കണം യുവജനങ്ങള്. നമ്മുടെ യുവജനങ്ങള് ചരിത്രത്തെ മാറ്റിമറിക്കാന് കഴിവുള്ളവരാണ്. നമ്മുടെ സാമൂഹ്യ അന്തരീക്ഷം തകരാതെ സംരക്ഷിക്കേണ്ടതുണ്ട്.
അത് തകര്ന്നാല് ഒന്നും നേടാന് ആകില്ല എന്ന തിരിച്ചറിവുണ്ടാകണം. മതനിരപേക്ഷ ഒരുമ ഏറ്റെടുക്കാന് യുവജനങ്ങള്ക്കാകണമെന്നും മുഖ്യമന്ത്രി പറഞ്ഞു.കേരളത്തിലെ സ്റ്റാര്ട്ടപ്പുകളും പരമ്പരാഗത മേഖലയും തമ്മില് ബന്ധിപ്പിക്കുന്ന സാഹചര്യം വളര്ത്തിയെടുക്കണം എന്നതാണ് ലക്ഷ്യം. സ്റ്റാര്ട്ടപ്പുകള് ആരംഭിക്കുന്നതിനു വേണ്ടിയുള്ള എല്ലാ പിന്തുണയും സര്ക്കാര് നല്കും. ഒരു വിഭാഗത്തെയും കൈവിടില്ല എന്നതാണ് പൊതുവായ സമീപനമെന്നും മുഖ്യമന്ത്രി പറഞ്ഞു.
English Summary:
The problems facing the country must be overcome: the Chief Minister wants the youth to come forward for this
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.