പാലക്കാട് കുഴല്മന്ദത്ത് കിണറില് മണ്ണിടിഞ്ഞുണ്ടായ അപകടത്തില് ഒരാള് മരിച്ചു. കുഴല് മന്ദം സ്വദേശി സുരേഷ്(37) ആണ് മരിച്ചത്. മണിക്കൂറുകള് നീണ്ട രക്ഷാപ്രവര്ത്തനത്തിനൊടുവിലാണ് സുരേഷിനെ പുറത്തെടുത്തെങ്കിലും ജീവന് രക്ഷിക്കാനായില്ല. ഇന്ന് ഉച്ചയോടെയായിരുന്നു സംഭവം. പൊതുകിണര് വൃത്തിയാക്കുന്നതിനിടെ മണ്ണിടിഞ്ഞാണ് അപകടമുണ്ടായത്. ഇതിനിടെ കിണറ്റിന് കരയില് നില്ക്കുകയായിരുന്ന സുരേഷ് കിണറിനുള്ളിലേക്ക് വീഴുകയായിരുന്നു.
ഈ സമയം കിണറിനുള്ളിലുണ്ടായിരുന്ന മൂന്നുപേര് രക്ഷപ്പെട്ടു. മണ്ണിനടിയലകപ്പെട്ട സുരേഷിനെ രക്ഷപ്പെടുത്താന് ഫയര്ഫോഴ്സും നാട്ടുകാരും പൊലീസും ചേര്ന്ന് രക്ഷാപ്രവര്ത്തനം നടത്തി. ജെസിബി ഉള്പ്പെടെ കൊണ്ടുവന്ന് മണ്ണ് നീക്കം ചെയ്താണ് രക്ഷാപ്രവര്ത്തനം നടത്തിയത്. മോട്ടോര് പമ്പ് ഉപയോഗിച്ച് കിണറ്റിലെ വെള്ളവും വറ്റിക്കുകയും ചെയ്തു. വൈകിട്ടോടെ സുരേഷിനെ കണ്ടെത്തിയെങ്കിലും മരിച്ച നിലയിലായിരുന്നു.
English Summary: The rescue failed; A young man died in an accident in a well
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.