ഭാവഗാനങ്ങളിലൂടെ മലയാളികളുടെ ഹൃദയം കീഴടക്കിയ ഗായകനാണ് പി ജയചന്ദ്രനെന്ന് സിപിഐ സംസ്ഥാന സെക്രട്ടറി ബിനോയ് വിശ്വം.
അരനൂറ്റാണ്ടിലേറെയായി ജയചന്ദ്രന്റെ പാട്ടുകൾ കേൾക്കാത്ത, പാടാത്ത ഒരു ദിവസം പോലും മലയാളിയുടെ ജീവിതത്തിലില്ല. വയലാറും പി ഭാസ്കരനും വി ദക്ഷിണാമൂർത്തിയും എം കെ അര്ജുനനും ഉൾപ്പെടെയുള്ള സംഗീതപ്രതിഭകളുടെ കൂട്ടുകെട്ടിൽ വിരിഞ്ഞ ജയചന്ദ്രന്റെ ഗാനങ്ങൾ അമൂല്യവും അനശ്വരവുമായി മലയാളികൾ ഇന്നും കരുതുന്നു. മലയാള ചലച്ചിത്ര ഗാനശാഖയ്ക്ക് ജയചന്ദ്രൻ നൽകിയ സംഭാവനകൾ കാലം എന്നുമോർക്കും. മലയാളസിനിമയും ഭാഷയും ഗാനങ്ങളും ഉള്ള കാലത്തോളം ജയചന്ദ്രന്റെ നാദം മലയാളികളുടെ മനസിൽ നിലനിൽക്കുമെന്ന് ബിനോയ് വിശ്വം പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.