തിരുവനന്തപുരം കടക്കാവൂരിൽ വാഹനാപകടത്തിൽ ആറാം ക്ലാസുകാരിയ്ക്ക് ദാരുണാന്ത്യം. കായിക്കര ഏറത്തു പടിഞ്ഞാറ്റു വീട്ടിൽ ജോൺ പോളിൻ്റെയും പ്രബിന്ധ്യയുടേയും മകൾ സഖിയാണ്(11) മരണപ്പെട്ടത്. കടയ്ക്കാവൂർ എസ് എസ് പിബി എച്ച് എസ് ലെ ആറാം വിദ്യാർത്ഥിനിയാണ് സഖി. സ്കൂളിലെ പിടിഎ മീറ്റിങ്ങിനു ശേഷം ജോൺ പോൾ ഓടിച്ചിരുന്ന ഓട്ടോയിൽ അമ്മയ്ക്കൊപ്പം വീട്ടിലേക്ക് മടങ്ങവയെയാണ് അപകടമുണ്ടായത്. തെരുവുനായ കുറുകെ ചാടിയതാണ് അപകടത്തിന് കാരണം.
നായ കുറുകെ ചാടിയതോടെ നിയന്ത്രണം വിട്ട ഓട്ടോ റോഡിൽ മറിയുകയായിരുന്നു. പരിക്കേറ്റ കുട്ടിയെ ഉടൻതന്നെ വർക്കല താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിൽ ജോൺ പോളിനും പ്രബിന്ധ്യയ്ക്കും പരിക്കുണ്ട്. മൃതദേഹം പോസ്റ്റ്മോർട്ടം നടപടികൾക്കായി തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.