ഇടവെട്ടി കനാലിൽ കുളിക്കുന്നതിനിടെ വെള്ളത്തിൽ മുങ്ങി അതീവ ഗുരുതരാവസ്ഥയിലായ കുട്ടിയെയുമായി പാഞ്ഞ ആംബുലന്‍സിന് സുഗമമായ യാത്രയൊരുക്കി തൊടുപുഴ ട്രാഫിക് പൊലീസ്.
കരിമണ്ണൂർ ഒറ്റിത്തോട്ടത്തിൽ റഹിമിന്റെ മകൻ ബാദുഷ (13)യാണ് ഇന്നലെ ഉച്ചയ്ക്ക് കുളിക്കുന്നതിനിടെ വെള്ളത്തിൽ മുങ്ങി താണ് അബോധാവസ്ഥയിലായത്. ഇടവെട്ടിയിൽ അമ്മ വീട്ടിൽ എത്തിയ കുട്ടി മറ്റ് കുട്ടികൾക്കൊപ്പം കുളിക്കുന്നതിനിടെ വെള്ളത്തിൽ മുങ്ങി താഴുകയായിരുന്നു. കുറച്ച് സമയം കഴിഞ്ഞാണ് വെള്ളത്തില്‍ നിന്നും കുട്ടിയെ കരയ്ക്കെത്തിച്ചത്. ഉടൻ തന്നെ സെന്റ്.മേരീസ് ആശുപ്രതിയിൽ എത്തിച്ചെങ്കിലും സ്ഥിതി അതീവ ഗുരുതരമായി.
ഐസിയു ആംബുലൻസിൽ ആദ്യം രാജഗിരി ആശുപ്രതിയിലേക്ക് കൊണ്ടു പോയെങ്കിലും പോകുന്ന വഴി സ്ഥിതി വീണ്ടും വഷളായതിനെ തുടര്‍ന്ന് നഗരത്തിലെ സ്മിത ആശുപത്രിയിൽ പ്രവേശിപ്പിച്ച് അടിയന്തര ചികിത്സ നൽകി വീണ്ടും രാജഗിരി ആശുപത്രിയിലേക്ക് യാത്ര തുടരുകയായിരുന്നു.
നഗര പ്രദേശത്ത് റോഡിൽ ഗതാഗത തടസ്സം ഉണ്ടാകാതിരിക്കാൻ തൊടുപുഴ ട്രാഫിക് പൊലീസും ആംബുലന്‍സിന് അകമ്പടി പോയി. തൊടുപുഴ പൊലീസ് നൽകിയ വയർലസ് സന്ദേശത്തിന്റെ അടിസ്ഥാനത്തില്‍ വാഴക്കുളം, മൂവാറ്റുപുഴ, പെരുമ്പാവൂർ പൊലീസും റോഡിൽ തടസ്സം ഉണ്ടാകാതെ ആംബുലൻസിന് കടന്നു പോകാൻ സൗകര്യം ഒരുക്കി. തൊടുപുഴയിലെ ആംബുലൻസ് ഡ്രൈവർ അജാക്സ് 35 മിനിറ്റു കൊണ്ട് കുട്ടിയെ രാജഗിരി ആശുപത്രിയിൽ എത്തിച്ചു.കുട്ടിയുടെ ആരോഗ്യ സ്ഥിതിയെക്കുറിച്ച് കൂടുതല്‍ വിവരങ്ങള്‍ പുറത്ത് വിട്ടിട്ടില്ല.
English Summary: The Thodupuzha traffic police cleared the way for the ambulance that took the life of the 13-year-old
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.