പൂണെ — നാസിക് ദേശിയ പാതയിൽ മിനി വാനിന്റെ പിന്നിൽ ട്രക്ക് ഇടിച്ചുണ്ടായ വാഹനാപകടത്തിൽ ഒൻപത് മരണം. ഡ്രൈവർ ഉള്പ്പെടെ വാനിലുണ്ടായിരുന്നവരാണ് മരിച്ചത് . ഏഴ് പേർക്ക് ഗുരുതരമായി പരിക്കേൽക്കുകയും ചെയ്തു. പരിക്കേറ്റവരെ ഉടൻ തന്നെ അടുത്തുള്ള ആശുപത്രികളിൽ പ്രവേശിപ്പിച്ചു.
ആറുപേരെ നാരായങ്കോണിലെ സ്വകാര്യ ആശുപത്രിയിലും ഗുരുതരമായി പരിക്കേറ്റ ഒരാളെ കൂടുതൽ പൂണെയിലെ ആശുപത്രിയിലേക്കുമാണ് മാറ്റിയത്. മരിച്ചവരിൽ നാല് സ്ത്രീകളും നാല് പുരുഷന്മാരും ഒരു കുട്ടിയും ഉൾപ്പെടുന്നു. ഇന്ന് രാവിലെ 10 മണിയോടെ നാരായങ്കോണിന് സമീപമായിരുന്നു സംഭവം. നാരായണങ്കോണിലേക്ക് പോകുകയായിരുന്ന മിനിവാനാണ് അപകടത്തിൽപെട്ടത് . ട്രക്ക് അമിതവേഗതയിലായിരുന്നുവെന്ന് നാട്ടുകാർ പറയുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.