വിവാഹം വാഗ്ദാനം നല്കി യുവതിയെ പീഡിപ്പിച്ച് ഗര്ഭിണിയാക്കിയ കേസില് യുവാവ് അറസ്റ്റിൽ. കോട്ടുളി സ്വദേശി പുതിയാറമ്പത്ത് വീട്ടില് സുബീഷിനെയാണ് പൊലീസ് പിടികൂടിയത്.
2018 മുതല് പരാതിക്കാരിയായ പുതിയറ സ്വദേശിനിയായ പെണ്കുട്ടിയുമായി ഇയാള് സൗഹൃദത്തിലായിരുന്നു. ഇതിനിടെ 2023 ജൂലൈയിലും സെപ്റ്റംബറിലും 2024 ഓഗസ്റ്റിലുമായി വിവധയിടങ്ങളില് വെച്ച് ഇയാള് പെണ്കുട്ടിയെ വിവാഹ വാഗ്ദാനം നല്കി പീഡിപ്പിക്കുകയായിരുന്നു എന്നാണ് കേസ്. ഗര്ഭിണിയായ യുവതിയെ ഇയാള് നിര്ബന്ധപൂര്വം ഗുളിക നല്കി ഗര്ഭം അലസിപ്പിക്കുകയും പൊതുനിരത്തില് വച്ച് ജാതിപ്പേര് വിളിച്ച് അധിക്ഷേപിക്കുകയും ചെയ്തതായി യുവതിയുടെ പരാതിയില് പറയുന്നു. ഇതിന് പിന്നാലെ ഇയാള് വിവാഹ വാഗ്ദാനത്തില് നിന്ന് പിന്മാറി. തുടര്ന്ന് യുവതി നല്കിയ പരാതിയുടെ അടിസ്ഥാനത്തില് മെഡിക്കല് കോളജ് പൊലീസ് കേസ് രജിസ്റ്റര് ചെയ്യുകയായിരുന്നു. നിലവില് കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.