കര്‍ണാടക നിയമസഭാ തെരഞ്ഞെടുപ്പിന് വേണ്ടിയുള്ള മൂന്നാമത്തെ സ്ഥാനാര്‍ത്ഥിപട്ടിക പുറത്തിറക്കി കോണ്‍ഗ്രസ്.43 സ്ഥാനാര്‍ത്ഥികളുടെ പേരുള്ള പട്ടികയാണ് ശനിയാഴ്ച പുറത്തിറക്കിയത്.

വരുണയ്ക്ക് പുറമേ കോലാറില്‍കൂടി മത്സരിക്കണമെന്ന ആഗ്രഹം പ്രകടിപ്പിച്ച മുന്‍ മുഖ്യമന്ത്രി സിദ്ധരാമയ്യയ്ക്ക് കോണ്‍ഗ്രസ് സീറ്റ് നല്‍കയിട്ടില്ല.കോലാറില്‍ മഞ്ജുനാഥിന്‍റെ പേരാണ് പട്ടികയിലുള്ളത്. ബിജെപി വിട്ട് കോണ്‍ഗ്രസില്‍ ചേര്‍ന്ന ലക്ഷ്മണ്‍ സവാദി അടക്കമുള്ളവരുടെ പേരുകള്‍ പട്ടികയിലുണ്ട്. മുകതിര്‍ന്ന നേതാവായ സിദ്ധരാമ്മയ്യക്ക് വരുണയിലാണ് കോണ്‍ഗ്രസ് സീറ്റ് നല്‍കിയിട്ടുള്ളത്.

2018ല്‍ രണ്ട് മണ്ഡലങ്ങളില്‍ നിന്ന് മത്സരിച്ച സിദ്ധരാമ്മയ്യ ഇത്തവണയും രണ്ട് മണ്ഡലങ്ങളാണ് ആവശ്യപ്പെട്ടിരുന്നത്. വരുണയില്‍ നിന്ന് ജയിക്കുമെന്ന് ഉറപ്പുണ്ടെങ്കിലും കോലാറിലെ ജനങ്ങള്‍ ആവശ്യപ്പെട്ടതനുസരിച്ച് അവിടെനിന്നു കൂടി മത്സരക്കാന്‍ ആഗ്രഹിക്കുന്നുവെന്ന് ഹൈക്കമാ‍ന്‍ഡിനെ അറിയിച്ചിട്ടുണ്ടെന്ന് സിദ്ധരാമ്മയ്യ നേരത്തെ പറഞ്ഞിരുന്നു.

വരുന്ന ലോക്സഭാ തിരഞ്ഞെടുപ്പ് തന്‍റെ അവസാന മത്സരം ആയിരിക്കുമെന്ന് അദ്ദേഹം പ്രഖ്യാപിച്ചിട്ടുണ്ട്.കോലാറില്‍ മത്സരിക്കാനാണ് കൂടുതല്‍ താത്പര്യമെന്ന് വ്യക്തമാക്കിയ സിദ്ധരാമയ്യ അവിടെ പ്രചാരണം തുടങ്ങിക്കഴിഞ്ഞെന്നും വ്യക്തമാക്കിയിരുന്നു.

എന്നാല്‍ സിദ്ധരാമയ്യയ്ക്ക് രണ്ട് സീറ്റില്‍ മത്സരിക്കാന്‍ അനുവദിക്കുന്നതിനെ പ്രമുഖ നേതാക്കളായ ഡി കെ ശിവകുമാര്‍, ജി പരമേശ്വര എന്നിവര്‍ അടക്കമുള്ളവര്‍ എതിര്‍ത്തിരുന്നു. പിന്നാലെയാണ് അദ്ദേഹത്തിന് കോലാറില്‍ സീറ്റ് നിഷേധിക്കപ്പെട്ടിട്ടുള്ളത്

English Summary:
Third list of Congress candidates released in Karnataka; Siddaramaiah has no Kolar seat