മുപ്പത്തിഎട്ട് വയസുള്ള തന്റെ മകന് വിവാഹം കഴിക്കുന്നില്ല, കാമുകിമാരെ വീട്ടില്‍ കൊണ്ടുവരില്ല പരാതിയുമായി അമ്മ മനശാസ്ത്രജ്ഞന്‍റെ എടുക്കല്‍ എത്തി. എന്നാല്‍ ഇത്തവണ സംഭവിച്ചത് മറ്റൊന്നാണ്.2020മുതല്‍ ഇതു തന്നെയാണ് അമ്മയുടെ രീതി.
മധ്യ ചൈനീസ് പ്രവിശ്യയായ ഹെനനിൽ നിന്നുള്ള വാങ് എന്ന് പേരുള്ള ഇയാൾ അടുത്തിടെ ഒരു വീഡിയോയിൽ തന്റെ ദുരനുഭവം പങ്കിട്ടു, ഇത് രാജ്യത്തെ സാമൂഹ്യ മാധ്യമങ്ങളില്‍വൈറലായിരിക്കുകയാണ്, വിവാഹത്തിനുള്ള സമ്മർദ്ദത്തെക്കുറിച്ച് ഒരു ചർച്ചയ്ക്ക് തുടക്കമിട്ടു. ചാന്ദ്രപുതുവർഷത്തിൽ താൻ ഒരിക്കലും ഒരു കാമുകിയെ വീട്ടിലേക്ക് കൊണ്ടുവന്നിട്ടില്ലെന്ന് തന്റെ അമ്മയുടെ പരാതിയായിട്ടാണ് വീഡിയോയിൽ വാങ് പറയുന്നത്.
അവന്റെ തലയിൽ എന്തോ കുഴപ്പമുള്ളതിനാലാണ് കാമുകിമാരെ കൊണ്ടുവരാത്തതെന്നു അമ്മ പറയുന്നതായി വീഡിയോയില്‍ അയാള്‍ സൂചിപ്പിക്കുന്നു.38 വയസ്സുള്ള ഏകാകിയായ മകനെക്കുറിച്ച് വളരെയധികം ആശങ്കയിലാണ് അവര്‍.
വിവാഹം കഴിക്കുന്നുമില്ല ഫെബ്രുവരി 4ന് കാമുകിമാരെ വീട്ടില്‍ കൊണ്ടു വരുന്നുമില്ല, അവനെ പരിശോധിക്കാൻ ഈ വര്‍ഷവും മാനസികരോഗാശുപത്രിയിലേക്ക് കൊണ്ടുപോയി.
2020 മുതൽ എല്ലാ ചാന്ദ്ര പുതുവർഷത്തിലും സ്ത്രീ തന്റെ മകനെ മാനസികരോഗാശുപത്രിയിൽ പരിശോധനയ്ക്ക് കൊണ്ടുപോകുന്നു.എല്ലാ വർഷത്തേയും പോലെ, ഫെബ്രുവരി 4 ന് അദ്ദേഹത്തെ ഹെനാൻ പ്രൊവിൻഷ്യൽ സൈക്യാട്രിക് ഹോസ്പിറ്റലിലേക്ക് കൊണ്ടുപോയി.എന്നിരുന്നാലും, ഇത്തവണ അപ്രതീക്ഷിതമായത് സംഭവിച്ചു. മകന് അസുഖമില്ലെന്നും അമ്മയ്ക്കാണ് പ്രശ്‌നമെന്നും മനശാസ്ത്രജ്ഞന്‍ പറഞ്ഞു.
തന്റെ മകനെ വിവാഹം കഴിക്കാൻ നിർബന്ധിക്കുക എന്ന മാനസികവിഭ്രാന്തി വാങിന്റെ അമ്മക്കാണെന്നു ഡോക്ടർ അഭിപ്രായപ്പെട്ടതായി റിപ്പോര്‍ട്ടുകളും പുറത്തു വരുന്നു .എതായാലും അമ്മയുടെ മാനസീകാവസ്ഥ താന്‍ മനസ്സിലാക്കുന്നുണ്ടെന്നു വാങ് പറയുന്നു. ഒരു ടെന്നീസ്കോച്ചും സ്വന്തമായി ഒരു വീട് വാങ്ങാന്‍ പണം സമ്പാദിച്ചിട്ടുമുള്ള ചെറുപ്പക്കാരനുമായ തന്നെ ആരെങ്കിലും വിവാഹം കഴിക്കാന്‍ താലപര്യം ഉണ്ടെങ്കില്‍ അറിയിക്കണമെന്നും അദ്ദേഹം സാമൂഹ്യമാധ്യമങ്ങളിലൂടെ അറിയിച്ചു .വിവാഹം കഴിക്കാൻ മാതാപിതാക്കളിൽ നിന്നും ബന്ധുക്കളിൽ നിന്നും നിരന്തരമായി ശല്യപ്പെടുത്തുന്ന ഈ പ്രവണത നമ്മുടെ രാജ്യത്ത് മാത്രം പരിമിതപ്പെടുന്ന ഒന്നല്ല. ചൈനയിലും കാണാന്‍ കഴിയുന്നു
English Summary:
Thirty-eight-year-old son does not marry; Mother complains that girlfriends are not brought home
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.