അറബിക്കടലിൽ അടിയന്തര ലാൻഡിംഗ് നടത്താൻ ശ്രമിക്കുന്നതിനിടെ ഗുജറാത്തിലെ പോര്ബന്തര് തീരത്ത് കോസ്റ്റ് ഗാര്ഡ് ഹെലികോപ്റ്ററിലുണ്ടായിരുന്ന മൂന്ന് പേരെ കാണാതായി. തിങ്കളാഴ്ച രാത്രിയില് രക്ഷാപ്രവര്ത്തനത്തിലേര്പ്പെട്ട ഹെലികോപ്റ്ററുകളിലൊന്നായ അഡ്വാൻസ്ഡ് ലൈറ്റ് ഹെലികോപ്റ്റർ (എഎൽഎച്ച്) ആണ് അടിയന്തരമായി കടലിലിറക്കിയത്.
രണ്ട് പൈലറ്റുമാരടക്കം നാലുപേരാണ് ഹെലികോപ്റ്ററിലുണ്ടായിരുന്നത്. ഒരാളെ രക്ഷപ്പെടുത്തി. രണ്ട് പൈലറ്റുമാരടക്കം മൂന്ന് പേരെ കാണാതായെന്നാണ് കോസ്റ്റ്ഗാര്ഡ് അറിയിച്ചിരിക്കുന്നത്. എണ്ണ ടാങ്കറായ എംടി ഹരിലീലയുടെ സമീപത്തേക്ക് രക്ഷാപ്രവര്ത്തനത്തിനായി പോകുന്നതിനിടെയാണ് സംഭവം നടന്നത്. ടാങ്കറില് ഗുരുതരമായി പരിക്കേറ്റ ജീവനക്കാര്ക്ക് വൈദ്യസഹായം നല്കുന്നതിനാണ് ഹെലികോപ്റ്റര് പുറപ്പെട്ടിരുന്നത്. ഇതിനിടെ അടിയന്തരമായി ഹെലികോപ്റ്റര് കടലിലിറക്കേണ്ടി വന്നു.
ഹെലികോപ്റ്റര് കടലില് കണ്ടെത്തിയതായി തീരസംരക്ഷണ സേന അറിയിച്ചു. ശേഷിക്കുന്ന മൂന്ന് അംഗങ്ങൾക്കായുള്ള തിരച്ചിൽ നടക്കുകയാണെന്ന് ഇന്ത്യൻ കോസ്റ്റ് ഗാർഡ് പറഞ്ഞു. കാണതായവര്ക്കുള്ള തിരച്ചിലിനായി നാല് കപ്പലുകളും രണ്ട് വിമാനങ്ങളും നിയോഗിച്ചതായും കോസ്റ്റ്ഗാര്ഡ് അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.